കേരള റബർ ലിമിറ്റഡിന്‌ 
ഇന്ന്‌ കല്ലിടും

കോട്ടയം
കേരള റബർ ലിമിറ്റഡിന് തിങ്കൾ പകൽ 12ന് വെള്ളൂരിലെ കേരള പേപ്പർ പ്രോഡക്റ്റ്സ് ലിമിറ്റഡ് അങ്കണത്തിൽ വ്യവസായ- മന്ത്രി പി രാജീവ് കല്ലിടും. കേരള ന്യൂസ്പ്രിന്റ് എംപ്ലോയീസ് റിക്രിയേഷൻ ക്ലബ്ബിൽ നടക്കുന്ന ചടങ്ങിൽ സി കെ ആശ എംഎൽഎ അധ്യക്ഷയാകും. തോമസ് ചാഴികാടൻ എംപി, മോൻസ് ജോസഫ് എംഎൽഎ, കെആർഎൽ ചെയർപേഴ്സൺ ഷീല തോമസ്, വ്യവസായ വകുപ്പ് പ്രിൻസിപ്പൽ സെക്രട്ടറി സുമൻ ബില്ല, പ്രിൻസിപ്പൽ സെക്രട്ടറി എ പി എം മുഹമ്മദ് ഹനീഷ്, റബർ ബോർഡ് എക്സിക്യൂട്ടീവ് ഡയറക്ടർ ഡോ. കെ എൻ രാഘവൻ, കെഎസ്ഐഡിസി എംഡി എം ജി രാജമാണിക്യം എന്നിവർ പങ്കെടുക്കും.