കൊല്ലം
കാഥിക സമ്രാട്ട് വി സാംബശിവന്റെ സ്മരണാർഥമുള്ള ദേശീയ പുരസ്കാരം ചലച്ചിത്ര നടൻ ഇന്നസെന്റിനും കാഥികരത്ന പുരസ്കാരം പ്രൊഫ. വി ഹർഷകുമാറിനും സമ്മാനിച്ചു. സാംബശിവന്റെ 26–-ാം ചരമവാർഷിക ദിനത്തിൽ ചവറ തെക്കുംഭാഗത്ത് നടന്ന അനുസ്മരണ സമ്മേളനത്തിൽ മുൻ മന്ത്രി ജി സുധാകരനാണ് പുരസ്കാരം വിതരണംചെയ്തത്.
വി സാംബശിവൻ സാംസ്കാരിക സമിതിയും മേലൂട്ട് ശാരദ മെമ്മോറിയൽ ചാരിറ്റബിൾ ട്രസ്റ്റും ചേർന്ന് സംഘടിപ്പിച്ച ചടങ്ങിൽ വി സുബ്രഹ്മണ്യൻ അധ്യക്ഷനായി. ഷാജിശർമ സ്വാഗതം പറഞ്ഞു. കേരള സംഗീത അക്കാദമി വൈസ് ചെയർമാൻ സേവ്യർ പുൽപ്പാട്ട് അനുസ്മരണ പ്രഭാഷണം നടത്തി.
സിപിഐ എം ജില്ലാ സെക്രട്ടറി എസ് സുദേവൻ, വസന്തകുമാർ സാംബശിവൻ, ടി എൻ നീലാംബരൻ, ആർ സന്തോഷ് എന്നിവർ സംസാരിച്ചു. കാഥികൻ ആലപ്പി രമണൻ, എ റഹിംകുട്ടി എന്നിവരെ ആദരിച്ചു.
