ഇന്ധനവിലയെ കുറിച്ച് ചോദിച്ച മാധ്യമപ്രവർത്തകനോട് തട്ടിക്കയറി ബാബ രാംദേവ്; ഇനിയും ചോദിച്ചാൽ നിനക്ക് നല്ലതിനാകില്ല

ന്യൂഡൽഹി> രാജ്യത്തെ ഇന്ധനവില വർധനവിലെ കുറിച്ച ചോദിച്ച മാധ്യമപ്രവർത്തകനെതിരെ തട്ടിക്കയറി ബാബ രാംദേവ്. ഹരിയാനയിലെ കർണാലിൽ നടന്ന പരിപാടിക്കിടെയാണ് സംഭവം. പെട്രോൾ വില 40 രൂപയും പാചകവാതക വില 300 രൂപയും ആകുമെന്ന രാംദേവിന്റെ പഴയ പ്രസ്താവനയെ കുറിച്ചുള്ള ചോദ്യത്തിന് പിന്നാലെയായിരുന്നു ആക്രോശം.

‘അതെ, ഞാൻ അങ്ങനെ പറഞ്ഞിട്ടുണ്ട്. താങ്കൾ എന്തുചെയ്യും. നിങ്ങളുടെ ചോദ്യത്തിന് മറുപടി പറയാനല്ല ഞാനിവിടെ ഇരിക്കുന്നത്. മിണ്ടാതിരിക്കൂ. ഇനിയും ചോദിക്കുകയാണെങ്കിൽ അത് നല്ലതല്ല…’ എന്നായിരുന്നു രാംദേവിന്റെ പ്രതികരണം. ബാബ രാംദേവിന്റെ വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്.

Yoga Guru Ramdev was seen on camera losing his cool and threatening a journalist, who asked him about his comments in the past on reducing petrol price. @ndtv pic.twitter.com/kHYUs49umx

— Mohammad Ghazali (@ghazalimohammad) March 30, 2022