ബുദ്ഗാമിൽ ഭീകരാക്രമണം : പൊലീസുകാരനും സഹോദരനും കൊല്ലപ്പെട്ടു

ശ്രീന​ഗർ
ജമ്മു കശ്മീരിലെ ബുദ്ഗാമിലുണ്ടായ ഭീകരാക്രമണത്തിൽ പൊലീസ് ഉദ്യോ​ഗസ്ഥനും സഹോദരനും കൊല്ലപ്പെട്ടു. ശനി വൈകിട്ട് ഭീകരർ പൊലീസുകാരന്റെ വീട്ടിലേക്ക് അതിക്രമിച്ച് കയറി വെടിയുതിർക്കുകയായിരുന്നു. സ്പെഷ്യൽ പൊലീസ് ഓഫീസർ (എസ്പിഒ) ഇഷ്ഫാഖ് അഹമ്മദ് ദാർ, സഹോദരൻ ഉമർ അഹമ്മദ് എന്നിവരാണ് കൊല്ലപ്പെട്ടത്. ചികിത്സയിലായിരുന്ന ഉമർ അഹമ്മദ് ഞായർ രാവിലെയാണ് മരിച്ചത്. അതേസമയം, ജമ്മു കശ്മീരിലെ കുപ്വാരയിൽ സൈനിക ക്യാമ്പിനു സമീപം ഞായറാഴ്ച സ്ഫോടനമുണ്ടായി.