എതിർക്കുന്നവരെ ഉന്മൂലനം ചെയ്യുമെന്ന്‌ 
മ്യാന്മർ ജനറൽ

നേപിതോ
സൈനിക ഭരണത്തിനെതിരെ പോരാടുന്ന തദ്ദേശീയ സായുധ സംഘങ്ങൾക്കെതിരായ നടപടി ശക്തമാക്കുമെന്നും അവരെ ഉന്മൂലനം ചെയ്യുമെന്നും മ്യാന്മർ സീനിയർ ജനറൽ മിൻ ഓങ് ഹ്ലെയിങ് പറഞ്ഞു. ആംഡ് ഫോഴ്സസ് ദിനത്തിൽ സൈനിക പരേഡിനെ അഭിസംബോധന ചെയ്യുകയായിരുന്നു അദ്ദേഹം. സായുധ സംഘങ്ങളുമായി സന്ധിസംഭാഷണത്തിന് സാധ്യതയില്ല. ഇവരുമായി ബന്ധം പുലർത്തുന്നവർക്കെതിരെയും കടുത്ത നടപടിയുണ്ടാകും. 2021 ഫെബ്രുവരി ഒന്നിന് സൂകി സർക്കാരിനെ അട്ടിമറിച്ച് സൈന്യം അധികാരം കൈയടക്കിയതുമുതൽ പ്രക്ഷോഭഭൂമിയാണ് മ്യാന്മർ.