കുവൈറ്റ് സിറ്റി > കേരള ആർട്ട് ലവേഴ്സ് അസോസിയേഷൻ, കല കുവൈറ്റ് ഇഎംഎസ്, എകെജി അനുസ്മരണം സംഘടിപ്പിച്ചു. പരിപാടിയില് മുഖ്യാഥിയായി എഴുത്തുകാരനും സാംസ്കാരിക പ്രവർത്തകനുമായ ശ്രീചിത്രന് പങ്കെടുത്തു. അനുസ്മരണ പരിപാടിയോടൊപ്പം ‘വികസനവും വികസനവിരുദ്ധ രാഷ്ട്രിയവും‘ എന്ന സെമിനാർ സംഘടിപ്പിച്ചു.
സാൽമിയ ഇന്ത്യൻ കമ്മ്യൂണിറ്റി സ്കൂളിൽ കല കുവൈറ്റ് പ്രസിഡന്റ് പി ബി സുരേഷിന്റെ അധ്യക്ഷതയിൽ നടന്ന അനുസ്മരണ സമ്മേളനത്തിൽ ജനറൽ സെക്രട്ടറി ജെ സജി സ്വാഗതം പറഞ്ഞു. അബ്ബാസിയ മേഖല സെക്രട്ടറി ഹരിരാജ് അനുസ്മരണക്കുറിപ്പ് അവതരിപ്പിച്ചു.
നൂറുകണക്കിനു കലാ പ്രവർത്തകരും, സംഘടനാ പ്രതിനിധികളും, മാധ്യമ പ്രവർത്തകരും പങ്കെടുത്ത പരിപാടിയിൽ വിവിധ സംഘടനാ പ്രതിനിധികളായ വിനോദ് വി, സുബിൻ അറയ്ക്കൽ, സത്താർ കുന്നിൽ, നാഗനാഥൻ എന്നിവർ സംസാരിച്ചു. പരിപാടിയിൽ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന കല കുവൈറ്റ് പ്രവർത്തകരായ പി എൻ പത്മനാഭൻ, വിജയകുമാർ എന്നിവർക്ക് കലയുടെ സ്നേഹോപഹാരം പി ബി സുരേഷും, മാതൃഭാഷ അധ്യാപകർക്കുള്ള പുരസ്കാരം ശ്രീചിത്രനും കൈമാറി.
കല കുവൈറ്റ് ട്രഷറർ അജ്നാസ് നന്ദി രേഖപ്പെടുത്തി. കല കുവൈറ്റ് പ്രവർത്തകർ നടത്തിയ സംഗീത പരിപാടികളോടെയാണ് സമ്മേളനം ആരംഭിച്ചത്. കല കുവൈറ്റ് വൈസ് പ്രസിഡന്റ് ശൈമേഷ്, ജോ. സെക്രട്ടറി ജിതിൻ പ്രകാശ്, സാൽമിയ മേഖലാ സെക്രട്ടറി റിച്ചി ജോർജ് എന്നിവർ പരിപാടിയിൽ സംബന്ധിച്ചു.
