തിരുവനന്തപുരം
കോലഞ്ചേരി സെന്റ് പീറ്റേഴ്സ് കോളേജ് അധ്യാപിക ഡോ.ബി ബിന്ദു രചിച്ച ‘ചെമ്പുമുക്ക് ഷാപ്പ് ടി എസ് നമ്പർ വൺ’ എന്ന നോവൽ പുറത്തിറക്കി. അന്തർദേശീയ വനിതാദിനാഘോഷ ചടങ്ങിൽ കേരള ഭാഷാ ഇൻസ്റ്റിറ്റ്യൂട്ട് ഡയറക്ടർ ഡോ. പി എസ് ശ്രീകല സഹകരണ മന്ത്രി വി എൻ വാസവന് പുസ്തകം നൽകി പ്രകാശിപ്പിച്ചു.
സാഹിത്യപ്രവർത്തക സഹകരണ സംഘമാണ് പ്രസാധകർ. ഭരണസമിതി അംഗം വി സീതമ്മാൾ പുസ്തകം പരിചയപ്പെടുത്തി. സഹകരണ വകുപ്പും വനിതാഫെഡും സാഹിത്യ പ്രവർത്തക സഹകരണ സംഘവും സംയുക്തമായാണ് ചടങ്ങ് സംഘടിപ്പിച്ചത്. സുധക്കുട്ടിയുടെ ‘ഈ വല്ലിയിൽനിന്നു ചെമ്മേ’, ഡോ. മിത്ര സതീഷിന്റെ ‘ഹൗ ഓൾഡ് ആർ യു’, വീണയുടെ ‘അരശുപള്ളി’ എന്നീ പുസ്തകങ്ങളും പ്രകാശിപ്പിച്ചു.
