കൊച്ചി> പ്രായപൂർത്തിയാകാത്ത പെൺകുട്ടിയെ ഉപദ്രവിച്ച കേസിൽ ഐഎൻടിയുസി പ്രവർത്തകൻ പിടിയിൽ. പോത്താനിക്കാട് മാവുടി പള്ളിക്കാപ്പറമ്പ് വീട്ടിൽ ബിജുവിനെയാണ് (47) പോത്താനിക്കാട് പൊലീസ് അറസ്റ്റ് ചെയ്തത്. പോത്താനിക്കാട് ഭാഗത്ത് തടിപ്പണി ചെയ്യുന്നയാളാണ്. ചൈൽഡ് വെൽഫെയർ കമ്മിറ്റി കൗൺസലിങ് നടത്തിയപ്പോഴാണ് പെൺകുട്ടി ഇതെക്കുറിച്ച് അധികൃതരെ അറിയിച്ചത്.
2017ലായിരുന്നു സംഭവം. എസ്എച്ച്ഒ നോബിൾ മാനുവൽ, എസ്ഐ എം സി എൽദോസ്, എസ്സിപിഒമാരായ അബ്ദുൽ റഷീദ്, പി കെ സനൂപ്, സി കെ സൽമ, യു പി ജാസ്മിൻ എന്നിവർ ചേർന്നാണ് പ്രതിയെ പിടികൂടിയത്. കോടതിയിൽ ഹാജരാക്കി റിമാൻഡ് ചെയ്തു.
