“ലോകമെമ്പാടുമുള്ള ദശലക്ഷക്കണക്കിന് ആളുകൾ ഇഷ്ടപ്പെടുന്ന ഒന്നിന്റെ () സുഗന്ധമാണ് തങ്ങൾ ഉപയോഗിക്കുന്നത്” എന്നാണ് പെർഫ്യൂമിന്റെ നിർമ്മാതാക്കൾ പറയുന്നത്. ഫ്രൈറ്റ്സ് ബൈ ഐഡഹോ എന്നാണ് ഈ വർഷത്തെ വാലന്റൈൻസ് ഡേ സ്പെഷ്യലായി അവതരിപ്പിച്ചിരിക്കുന്ന ലിമിറ്റഡ് എഡിഷൻ പെർഫ്യൂമിന്റെ പേര്.
വാറ്റിയെടുത്ത ഐഡഹോ ഉരുളക്കിഴങ്ങും അവശ്യ എണ്ണകളും ചേർത്ത് തയ്യാറാക്കിയ ഫ്രൈറ്റ്സ് ബൈ ഐഡഹോ പെർഫ്യൂം 1.7 ഔൺസ് ക്രിസ്റ്റലിൻ ബോട്ടിലിലാണ് വില്പനക്കെത്തിയിരിക്കുന്നത്. ഐഡഹോ പൊട്ടറ്റോ കമ്മീഷന്റെ വെബ്‌സൈറ്റിലൂടെ മാത്രമേ ഈ വെറൈറ്റി പെർഫ്യൂം വാങ്ങാനാവൂ.
എന്താണ് ഐഡഹോ പൊട്ടറ്റോയുടെ സ്പെഷ്യലിറ്റി എന്നല്ലേ? ‘ഊഷ്മളമായ പകലുകൾ, തണുത്ത രാത്രികൾ എന്നിവയുള്ള സീസണിൽ വളരുന്ന പർവതങ്ങളിൽ നിന്നുള്ള ജലസേചനവും അഗ്നിപർവ്വത മണ്ണും ചേർന്ന് ഐഡഹോ ഉരുളക്കിഴങ്ങിന് തനതായ ഘടനയും രുചിയും അവിശ്വസനീയമായ ഗന്ധവും’ നൽകുന്നുവെന്നാണ് കമ്പനിയുടെ വിശദീകരണം.
അപ്പോഴും ഒരു ചോദ്യം ബാക്കിയാണ്, എന്തുകൊണ്ട് ഫ്രഞ്ച് ഫ്രൈസിന്റെ മണം? പോൾഫിഷ് അടുത്തിടെ നടത്തിയ ഒരു ദേശീയ സർവേയിൽ 90 ശതമാനം അമേരിക്കക്കാർക്കും ഫ്രഞ്ച് ഫ്രൈയുടെ മണം അത്യാകർഷകമാണ് നിർദ്ദേശിച്ചതായി കമ്മീഷൻ പറയുന്നു. “നിങ്ങൾ ഒരു റെസ്റ്റോറന്റിൽ ഭക്ഷണം കഴിക്കുമ്പോൾ, നിങ്ങളുടെ പ്രധാന ഭക്ഷണം കഴിക്കുന്നതിന് മുൻപ് ഫ്രഞ്ച്ഫ്രൈ എടുത്ത് കഴിക്കാതിരിക്കുക ഏറെകുറെ അസാദ്ധ്യമാണ്. ഫ്രഞ്ച് ഫ്രൈസിന്റെ മണത്തോട് നോ പറയാൻ ബുദ്ധിമുട്ടാണ്” ഐപിസി പ്രസിഡന്റും സിഇഒയുമായ ജാമി ഹൈയം പറയുന്നു. “ ഫ്രഞ്ച് ഫ്രൈസിനോട് നോ പറയാൻ പറ്റാത്ത ആർക്കും ഈ പെർഫ്യൂം ഒരു മികച്ച സമ്മാനമാണ്,” ജാമി കൂട്ടിച്ചേർത്തു.
