രഞ്ജി ട്രോഫി ക്രിക്കറ്റിൽ കേരളത്തിന് വിജയത്തുടക്കം. മേഘാലയയെ ഇന്നിങ്സിനും 166 റണ്ണിനും തോൽപ്പിച്ചു. കളി അവസാനിക്കാൻ ഒരുദിവസം ബാക്കിയിരിക്കെയാണ് തകർപ്പൻ ജയം. സ്കോർ: മേഘാലയ 148, 191 കേരളം 9-–-505 ഡി.
രണ്ട് ഇന്നിങ്സിലുമായി ആറ് വിക്കറ്റെടുത്ത പതിനേഴുകാരൻ പേസർ ഏദൻ ആപ്പിൾ ടോമാണ് കളിയിലെ താരം. ഒന്നാം ഇന്നിങ്സിൽ 357 റൺ ലീഡ് വഴങ്ങിയ മേഘാലയ രണ്ടാം ഇന്നിങ്സിലും തകർന്നടിഞ്ഞു. ബേസിൽ തമ്പി നാല് വിക്കറ്റെടുത്തു. ജലജ് സക്സേനയ്ക്ക് മൂന്നും ഏദന് രണ്ടും വിക്കറ്റുണ്ട്. 75 റണ്ണുമായി ചിരാഗ് ഖുരാന പൊരുതി. ദിപ്പു സാംഗ്മ 55 റണ്ണുമായി
പുറത്താകാതെനിന്നു.കേരളത്തിനായി മൂന്നുതാരങ്ങൾ സെഞ്ചുറി നേടിയപ്പോൾ കൂറ്റൻ സ്കോറായി. ഓപ്പണർമാരായ പി രാഹുലും (147) രോഹൻ കുന്നുമ്മലും (107) അടിത്തറയിട്ടു. വത്സൽ ഗോവിന്ദ് 106 റൺ നേടി. ക്യാപ്റ്റൻ സച്ചിൻ ബേബി 56 റണ്ണെടുത്ത് പിന്തുണ നൽകി.
കേരളം 24ന് ശക്തരായ ഗുജറാത്തിനെ നേരിടും.
