രാഹുൽ നയിച്ചു ; കേരളത്തിന്‌ 306 റൺ ലീഡ്‌

രാജ്കോട്ട്
ഉജ്വല സെഞ്ചുറിയുമായി പി രാഹുൽ കേരളത്തെ നയിച്ചു. മേഘാലയ്ക്കെതിരായ രഞ്ജി ട്രോഫി ക്രിക്കറ്റിൽ രണ്ടാംദിനം കളി നിർത്തുമ്പോൾ കേരളം 8–-454 എന്ന നിലയിലാണ്. 306 റൺ ലീഡായി. രാഹുൽ 147 റൺ നേടി. ക്യാപ്റ്റൻ സച്ചിൻ ബേബി (56), വത്സൽ ഗോവിന്ദ് (76*) എന്നിവരും രണ്ടാംദിനം കേരളത്തിനായി തിളങ്ങി. രോഹൻ എസ് കുന്നുമ്മലും സെഞ്ചുറി കുറിച്ചിരുന്നു.
ഒരു വിക്കറ്റ് നഷ്ടത്തിൽ 205 റണ്ണെന്ന നിലയിലായിരുന്നു കേരളം ബാറ്റിങ് ആരംഭിച്ചത്. രാഹുൽ 91 റണ്ണുമായാണ് ക്രീസിലെത്തിയത്. വൈകാതെ മൂന്നക്കം കണ്ടു ഈ ഓപ്പണിങ് ബാറ്റർ. മേഘാലയ്ക്കായി സി ജി ഖുറാന മൂന്ന് വിക്കറ്റ് നേടി.