കൊച്ചി > തിരുവനന്തപുരം ആസ്ഥാനമായ ചലച്ചിത്രനിർമ്മാണ കമ്പനി, സഹസ്രാര സിനിമാസിന്റെ നേതൃത്വത്തിൽ തുടങ്ങുന്ന പ്രാദേശിക ഒടിടി പ്ളാറ്റ്ഫോമാണ് എസ് എസ് ഫ്രെയിംസ് . അശോക് ആർ നാഥ് സംവിധാനം ചെയ്യുന്ന ” ഹോളിവൂണ്ട് ” (Holy wound) എന്ന ചിത്രം റിലീസ് ചെയ്തു കൊണ്ടാണ് എസ് എസ് ഫ്രെയിംസ് ഒടിടി പ്ളാറ്റ്ഫോമിലേക്ക് എത്തുന്നത്.
2020-ൽ കാനിലേക്ക് തെരഞ്ഞെടുക്കപ്പെട്ട “കാന്തി’ , കേരള ഫിലിം ക്രിട്ടിക്സ് അവാർഡ് നേടിയ ” ഒരിലത്തണലിൽ ’എന്നീ ചിത്രങ്ങളും എസ് എസ് ഫ്രെയിംസിശന്റതായിരുന്നു. സ്വവർഗ്ഗരതി പ്രമേയമാക്കിയ ‘ഹോളീവൂണ്ട്’ മാർച്ച് പകുതിയോടെ എസ് എസ് ഫ്രെയിംസിൽ സ്ട്രീമിംഗ് തുടങ്ങും.
തുടക്കത്തിൽ വെബ് ബ്രൗസറുകളിലൂടെ നേരിട്ട് വെബ്സൈറ്റിലെത്തി അക്കൗണ്ട് രജിസ്റ്റർ ചെയ്ത് സിനിമകൾ കാണാവുന്നതാണ്. വരുംനാളുകളിൽ മൊബൈൽ ആപ്പിന്റെ സഹായത്താൽ എല്ലാതരം ഡിവൈസുകളിലേക്കും സേവനമെത്തിക്കാനുള്ള പ്രവർത്തനങ്ങളുണ്ടാകും.
