തിരുവനന്തപുരം: മലമ്പുഴയിൽ മലയിൽ കുടുങ്ങിയ യുവാവിനെ രക്ഷപ്പെടുത്താനായത്അഭിമാനമുഹൂർത്തമെന്ന് മന്ത്രി കെ. രാജൻ. രക്ഷാപ്രവർത്തനത്തിൽ പങ്കാളികളായ എല്ലാവർക്കും സംസ്ഥാന സർക്കാരിന്റെ നന്ദി അറിയിക്കുന്നതായി മന്ത്രി മാധ്യമങ്ങളോട് പറഞ്ഞു.
സുലൂരിലെ വ്യോമസേനാക്യാമ്പസിൽ നിന്നുള്ള പ്രത്യേക ഹെലികോപ്ടർ മലയുടെ മുകളിലെത്തി ബാബുവിനെ എയർലിഫ്റ്റ് ചെയ്ത് കഞ്ചിക്കോട് ഹെലിപാഡിൽ ഇറക്കും. അവിടെ നിന്ന്പാലക്കാട് ജില്ലാ ആശുപത്രിയിലേക്ക് മാറ്റും.
ആശുപത്രിയിൽ പരിശോധനയ്ക്ക് ശേഷം മറ്റ് ആരോഗ്യപ്രശ്നങ്ങൾ ഒന്നുമില്ലെങ്കിൽ ബാബുവിനെ വീട്ടുകാർക്കൊപ്പം അയക്കുമെന്നും മന്ത്രി മാധ്യമപ്രവർത്തകരോട് പറഞ്ഞു. മാധ്യമങ്ങൾ വളരെ കൃത്യതയോടെ കാര്യങ്ങളുടെ യാഥാർഥ്യം ഉൾക്കൊണ്ടുകൊണ്ട് റിപ്പോർട്ട് ചെയ്തതിൽ സന്തോഷമുണ്ടെന്നും അദ്ദേഹം പറഞ്ഞു.
Content Highlights: Malampuzha rescue operations a proud moment says minister k rajan
