മലമ്പുഴ > മലമ്പുഴ കൂർമ്പാച്ചി മലയിടുക്കിൽ നിന്നും സൈന്യം രക്ഷപ്പെടുത്തിയ ചേറാട് ബാബു(23)വിനെ മലമുകളിൽനിന്ന് വ്യോമസേനാ ഹെലികോപ്റ്ററിൽ താഴെയെത്തിച്ച് ആശുപത്രിയിലേക്ക് മാറ്റി . കഞ്ചിക്കോട് ഹെലിപാഡിൽനിന്നും ആംബുലൻസിലാണ് പാലക്കാട് ജില്ലാആശുപത്രിയിലേക്ക് മാറ്റിയത്.
നിർജജലീകരണവും രണ്ടുദിവസം ഭക്ഷണം കഴിക്കാത്തതിന്റെയും അവശത ബാബുവിനുണ്ട്.മലയിടുക്കിലേക്കുള്ള വീഴ്ചയിൽ കാലിനും പരിക്കേറ്റിട്ടുണ്ട്.
9.30നാണ് സൈന്യം ബാബുവിനരികിൽ എത്തുന്നത്. തുടർന്ന് 40 മിനിറ്റിനുള്ളിൽ സുരക്ഷിത സ്ഥാനത്തേക്കെത്തിക്കാനായി. വെള്ളവും ഭക്ഷണവും നൽകിയശേഷംസുരക്ഷാബെൽറ്റ് ഘടിപ്പിച്ച് ബാബുവിനെ മലയുടെ മുകളിലേക്ക് കൊണ്ടുവരികയായിരുന്നു. ദൗത്യ സംഘത്തിലെ ബാല എന്ന സൈനികനാണ് ബാബുവിന്റെ അടുത്തെത്തിയത്. പാറയിടുക്കിൽവീണ് 45 മണിക്കുറിന് ശേഷമാണ് രക്ഷപ്പെടുത്താനായത്.ഇടക്ക് വിശ്രമം നൽകിയാണ് ഒപ്പമുള്ള സൈനികർ ബാബുവിനെ മലകയറ്റിയത്.
