ചാനലിൻ്റെ സംപ്രേഷണം നിര്‍ത്തിവെക്കാനുണ്ടായ സാഹചര്യം വിശദീകരിച്ച് കേന്ദ്ര ആഭ്യന്തരമന്ത്രാലയത്തിലെ ഫയലുകള്‍ ഇന്നലെ കോടതിയിൽ സമര്‍പ്പിച്ചചിരുന്നു. രഹസ്യാന്വേഷണ ഏജൻസികളുടെ റിപ്പോര്‍ട്ടിൻ്റെ അടിസ്ഥാനത്തിലാണ് ചാനലിൻ്റെ സംപ്രേഷണം വിലക്കിയതെന്നാണ് കേന്ദ്രസര്‍ക്കാര്‍ നല്‍കുന്ന വിശദീകരണം. ഇക്കാര്യങ്ങള്‍ പരിഗണിച്ച കോടതി വിലക്ക് ശരിവെക്കുകയായിരുന്നു.
കേന്ദ്രസര്‍ക്കാര്‍ ചാനലിനു വിലക്ക് പ്രഖ്യാപിച്ചത് ഇൻ്റലിജൻസ് റിപ്പോര്‍ട്ടിൻ്റെ അടിസ്ഥാനത്തിലാണെന്നായിരുന്നു കോടതിയുടെ നിരീക്ഷണം. ഈ സാഹചര്യത്തിൽ സെക്യൂരിറ്റി ക്ലിയറൻസ് നൽകേണ്ടെന്ന് കേന്ദ്രസമിതി തീരുമനമെടുക്കുകയായിരുന്നുവെന്നും ഈ വിവരങ്ങളാണ് കേന്ദ്രസര്‍ക്കാര്‍ സ്വീകരിച്ചതെന്നും കോടതി വ്യക്തമാക്കി. കേന്ദ്രസര്‍ക്കാരിൻ്റെ തീരുമാനം നീതീകരിക്കാവുന്നതാണ്. അതിനാൽ ചാനൽ നല്‍കുന്ന ഹര്ജി തള്ളുന്നതായി കോടതി വ്യക്തമാക്കി.
Also Read:
അതേസമയം, സിംഗിള്‍ ബെഞ്ച് വിധിയ്ക്കെതിരെ ഡിവിഷൻ ബെഞ്ചിനെ സമീപിക്കുമെന്നാണ് ചാനൽ അറിയിച്ചിട്ടുള്ളത്. വിലക്കാനുണ്ടായ കാരണം വിശദീകരിക്കാൻ സാധിക്കില്ലെന്ന കേന്ദ്രസര്‍ക്കാരിൻ്റെ വാദം നിയമവിരുദ്ധമാണെന്നും കേട്ടുകേള്‍വിയില്ലാത്തതാണെന്നുമായിരുന്നു ചാനൽ മുൻപ് പ്രതികരിച്ചത്.
Also Read:
കഴിഞ്ഞ ജനുവരി അവസാനമാണ് മീഡിയ വണ്ണിന് കേന്ദ്രസർക്കാർ വിലക്ക്ഏർപ്പെടുത്തിയത്. കേന്ദ്രനടപടിയ്ക്കെതിര സംസ്ഥാന സർക്കാരും മാധ്യമപ്രവർത്തകരുടെ സംഘടനകളും രംഗത്തെത്തിയിരുന്നു. ചാനൽ അന്നു തന്നെ ഹൈക്കോടതിയെ സമീപിച്ചതോടെ വിലക്ക് താത്കാലികമായി പിൻവലിക്കുകയായിരുന്നു. എന്നാൽ ഹർജി തള്ളിയ സാഹചര്യത്തിൽ വീണ്ടും സംപ്രേഷണ വിലക്ക് പ്രാബല്യത്തിൽ വരും. ഡിവിഷൻ ബെഞ്ചിനെ സമീപിക്കാനിരിക്കുന്നതിനാൽ ഉടൻ വിലക്ക് ഏർപ്പെടുത്തരുതെന്നും രണ്ട് ദിവസം കൂടി സാവകാശം വേണമെന്നും ചാനൽ കോടതിയിൽ ആവശ്യപ്പെട്ടിട്ടുണ്ട്.
