തൃശൂർ > കൂനൂരിൽ വ്യോമസേനാ ഹെലികോപ്റ്റര് അപകടത്തില് അന്തരിച്ച തൃശൂര് പൊന്നൂക്കര സ്വദേശി ജൂനിയര് വാറണ്ട് ഓഫീസര് എ പ്രദീപിന്റെ ഭാര്യ ശ്രീലക്ഷ്മി സർക്കാർ ജോലിയില് പ്രവേശിച്ചു. റവന്യൂമന്ത്രി കെ രാജന്റെ സാന്നിധ്യത്തിൽ തൃശൂര് താലൂക്ക് ഓഫീസിൽ എല്ഡി ക്ലര്ക്കായാണ് ശ്രീലക്ഷ്മി തിങ്കളാഴ്ച രാവിലെ ജോലിയിൽ പ്രവേശിച്ചത്.
ഡിസംബർ 15ന് ചേർന്ന മന്ത്രിസഭായോഗം ശ്രീലക്ഷ്മിയ്ക്ക് സര്ക്കാര് ജോലി നൽകാൻ തീരുമാനിക്കുകയായിരുന്നു. കൂടാതെ ധനസഹായമായി 5 ലക്ഷം രൂപയും പ്രദീപിന്റെ അച്ഛന് ചികിത്സക്കായി മുഖ്യമന്ത്രിയുടെ ദുരിതാശ്വാസ നിധിയില് നിന്നും 3 ലക്ഷം രൂപയും ധനസഹായം നല്കാൻ തീരുമാനിച്ചു.
2018 ല് കേരളം അഭിമുഖീകരിച്ച മഹാപ്രളയത്തിലടക്കം രക്ഷാപ്രവര്ത്തനങ്ങള്ക്കായി പ്രദീപ് സ്വയം സന്നദ്ധമായി സേവനമനുഷ്ടിച്ചിരുന്നു. കഴിഞ്ഞ ഡിസംബർ എട്ടിനാണ് തമിഴ്നാട്ടിലെ കൂനൂരിൽ വ്യോമസേനാ ഹെലികോപ്റ്റർ അപകടത്തിൽ സംയുക്ത സേനാമേധാവി ബിപിന് റാവത്ത്, ജൂനിയർ വാറണ്ട് ഓഫീസർ എ പ്രദീപ് എന്നിവരുൾപ്പെടെ 14 പേരുടെ ജീവൻ കവർന്ന അപകടമുണ്ടായത്. മോശം കാലവസ്ഥയായിരുന്നു അപകട കാരണം.
