താമരശേരി > അഞ്ചര കിലോ കഞ്ചാവുമായി പരപ്പൻപൊയിൽ സ്വദേശി പൊലീസ് പിടിയിൽ. താമരശേരി പരപ്പൻപൊയിൽ കതിരോട് പൂളക്കൽ ജയന്തിനെയാണ് പൊലീസ് പിടികൂടിയത്. ഞായർ വൈകിട്ട് ഏഴോടെ താമരശേരി ചെക്പോസ്റ്റിൽ നടത്തിയ പരിശോധനയിലാണ് കഞ്ചാവ് പിടികൂടിയത്. ഇയാളുടെ വാഹനവും കസ്റ്റഡിയിലെടുത്തതായാണ് വിവരം.
താമരശേരി ഡിവൈഎസ്പിയുടെ സ്ക്വാഡ് എസ് അംഗങ്ങളായ എസ്ഐമാരായ വി കെ സുരേഷ്, രാജീവ് ബാബു, സിപിഒ ശോഭിത്ത്, താമരശേരി സ്റ്റേഷനിലെ എസ്ഐമാരായ സനൂജ്, മുരളീധരൻ, കോടഞ്ചേരി എസ്ഐ അഭിലാഷ്, എഎസ്ഐ ജയപ്രകാശ്, സിപിഒ റഫീഖ് എന്നിവരടങ്ങിയ സംഘമാണ് കഞ്ചാവ് പിടികൂടിയത്.
