യോണ്ടെ > ആഫ്രിക്കൻ ഫുട്ബോളിലെ രാജാക്കന്മാരെ ഇന്ന് അർധരാത്രി അറിയാം. ആഫ്രിക്കൻ നേഷൻസ് കപ്പ് ഫുട്ബോൾ ഫൈനലിൽ മുഹമ്മദ് സലായുടെ ഈജിപ്തും സാദിയോ മാനെയുടെ സെനെഗലും ഏറ്റുമുട്ടും.
ഒലെംബെ സ്റ്റേഡിയത്തിൽ രാത്രി 12.30നാണ് മത്സരം. ലിവർപൂളിലെ കൂട്ടുകാരായ സലയും മാനെയും മുഖാമുഖം വരുന്നതാണ് ഫൈനലിനെ ആവേശഭരിതമാക്കുന്നത്. ഷൂട്ടൗട്ടിൽ ആതിഥേയരായ കാമറൂണിനെ തോൽപ്പിച്ചാണ് ഈജിപ്ത് പത്താംതവണ ഫൈനലിലെത്തിയത്.
ഏഴുതവണ ജേതാക്കളായി. രണ്ടുതവണ റണ്ണറപ്പ്. ബുർകിന ഫാസോയെ തോൽപ്പിച്ചാണ് സെനെഗൽ മൂന്നാംതവണ ഫൈനലിൽ കടന്നത്. 2002ലും 2019ലും കിരീടം നേടാനായില്ല.
