പദ്ധതിക്ക് പ്രാരംഭമായി ചെയ്യേണ്ട ചില കാര്യങ്ങൾ സംസ്ഥാനത്ത് പുരോഗമിക്കുന്നുണ്ട്. എന്നാൽ ചിലർ കാര്യം അറിയാതെയും മറ്റ് ചില ഉദ്ദേശത്തോടെയും പദ്ധതിയെ എതിർക്കുന്നുണ്ട്. എന്നാൽ നമ്മുടെ നാട്ടിലുള്ള ആളുകൾ പദ്ധതി നടപ്പിലാകണമെന്നാണ് ആഗ്രഹിക്കുന്നത്. കാലത്തിനനുസരിച്ചുള്ള മാറ്റം എല്ലാ മേഖലകളിലും വേണം. നിർബന്ധബുദ്ധിയുടേയോ വാശിയുടേയോ പ്രശ്നമല്ലെന്നും മുഖ്യമന്ത്രി പറഞ്ഞു.
വന്ദേഭാരത് ട്രെയിൻ കേരളത്തിന് അനുയോജ്യമല്ല. ഇതേക്കുറിച്ച് മെട്രോമാൻ ഇ ശ്രീധരൻ അഭിപ്രായം പറഞ്ഞിട്ടുണ്ടെന്നും പിണറായി പറഞ്ഞു. പ്രവാസി മലയാളികളുടെ സംഗമത്തിൽ വ്യവസായ വകുപ്പ് മന്ത്രി പി രാജീവ്, ജോൺ ബ്രിട്ടാസ് എം പി, എം എ യൂസഫലി എന്നിവർ പങ്കെടുത്തു.
അതേസമയം മുഖ്യമന്ത്രി പിണറായി വിജയൻ നാളെ സംസ്ഥാനത്ത് തിരികെയെത്തും. അമേരിക്കയിൽ ചികിത്സാ ആവശ്യങ്ങൾ പോയ ശേഷം ദുബായ് എക്സ്പോയിൽ പങ്കെടുത്ത ശേഷമാണ് മുഖ്യമന്ത്രി മടങ്ങിയെത്തുന്നത്. ദുബായ് എക്സ്പോയിലെ കേരളാ പവലിയൻ മുഖ്യമന്ത്രി പിണറായി വിജയനാണ് ഉദ്ഘാടനം ചെയ്തത്.
