ഒറ്റപ്പാലം> കൃഷിയിടത്തിൽ പോത്തിന്റെ ജഡം തള്ളിയതിനെതിരെ പ്രതിഷേധവുമായി കർഷകർ. ഞാറക്കോട് കല്ലംപറമ്പ് -പള്ളി റോഡിലെ നെൽപ്പാടത്താണ് സമൂഹവിരുദ്ധർ ഇരുട്ടിന്റെ മറവിൽ പോത്തിന്റെ ജഡം തള്ളിയത്. രാവിലെ നടക്കാനിറങ്ങിയവരാണ് നെൽപ്പാടത്ത് ജഡം കണ്ടത്.
ദുർഗന്ധംമൂലം സമീപവാസികളും ദുരിതത്തിലായി. കർഷകർ വിവരം അറിയിച്ചതിനെ തുടർന്ന് മണ്ണൂർ പഞ്ചായത്ത് വൈസ് പ്രസിഡന്റ് ഒ വി സ്വാമിനാഥൻ സ്ഥലത്തെത്തി. ജെസിബി ഉപയോഗിച്ച് ജഡം മറവുചെയ്തു. ഇത്തരം പ്രവൃത്തി ചെയ്യുന്നവർക്കെതിരെ നടപടിയെടുക്കുമെന്ന് വൈസ് പ്രസിഡന്റ് പറഞ്ഞു.
