ധാക്ക> ബംഗ്ലാദേശ് പ്രീമിയര് ലീഗ് മത്സരത്തിന് മുമ്പ് ഗ്രൗണ്ടിൽ പുകവലിച്ച അഫ്ഗാനിസ്ഥാൻ ക്രിക്കറ്റ് താരം വിവാദക്കുരുക്കിൽ. മഴമൂലം മത്സരം തടസ്സപ്പെട്ട നേരത്താണ് അഫ്ഗാൻ താരം മുഹമ്മദ് ഷെഹ്സാദ് ഗ്രൗണ്ടിൽ നിന്ന് പുകവലിച്ചത്. പുകവലിയുടെ വീഡിയോ സമൂഹമാധ്യമങ്ങളിൽ വൈറലായതിന് പിന്നാലെ മാച്ച് റഫറി ഷെഹ്സാദിന് കര്ശനമായ താക്കീത് നല്കി. താരത്തിന്റെ പേരിൽ ഒരു ഡീമെറിറ്റ് പോയിന്റും ചുമത്തിയിട്ടുണ്ട്.
ധാക്കയിലെ ഷേര് ബംഗ്ലാ നാഷണല് സ്റ്റേഡിയത്തിലാണ് വിവാദ പുകവലി അരങ്ങേറിയത്. മിനിസ്റ്റര് ഗ്രൂപ്പ് ധാക്കയും കോമില്ല വിക്ടോറിയന്സും തമ്മിലുള്ള മത്സരം മഴ മൂലം തടസ്സപ്പെട്ട സമയത്താണ് ഷെഹ്സാദ് ഗ്രൗണ്ടിൽ നിന്ന് പുകവലിച്ചത്. ഷെഹ്സാദ് പിഴവ് ഏറ്റുപറഞ്ഞതോടെ മറ്റു നടപടികളിലേക്ക് നീങ്ങിയില്ല.
@MShahzad077 smoking in public on the field.
Today’s BPL match between ministers Dhaka and @ComillaV is being delayed due to rain. The controversial incident of Shehzad was seen then.
