41 കാരനായ പുരുഷനും കാമുകിയ്ക്കും എതിരെ പോലീസ് കേസെടുത്തതായി പിടിഐ റിപ്പോർട്ട് ചെയ്യുന്നു. ഹിഞ്ജേവാഡി പോലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്. ഗുജറാത്ത് സ്വദേശിയായ വ്യവസായിയാണ് പുരുഷൻ എന്നും ഭാര്യ കമ്പനിയിൽ ഡയറക്ടറാണെന്നും പോലീസ് പറഞ്ഞു. പരാതിക്കാരി കൂടിയായ ഭാര്യ ഭർത്താവിന്റെ കാറിൽ ജിപിഎസ് ഘടിപ്പിച്ചതിനെ തുടർന്ന് ഭർത്താവ് തന്നെ വഞ്ചിക്കുന്നതായി കണ്ടെത്തി പരാതി നൽകുകയായിരുന്നു.
ഭാര്യ തന്റെ ഭർത്താവിന്റെ എസ്‌യുവിയിൽ ജിപിഎസ് ട്രാക്കർ ഘടിപ്പിച്ചിരുന്നു. കഴിഞ്ഞ വർഷം നവംബറിൽ, ബെംഗളൂരുവിലേക്കുള്ള ബിസിനസ്സ് യാത്ര എന്ന് പറഞ്ഞു വീട്ടിൽ നിന്നിറങ്ങിയ ഭർത്താവിന്റെ സ്ഥലം പരിശോധിച്ചപ്പോൾ കാർ പൂനെയിലാണെന്ന് കണ്ടെത്തി,” ഉദ്യോഗസ്ഥർ പറഞ്ഞു. പരാതിക്കാരി ഹോട്ടലുമായി ബന്ധപ്പെടുകയും ഭർത്താവ് ഭാര്യയുമായി ചെക്ക് ഇൻ ചെയ്തതായി ജീവനക്കാർ അറിയിക്കുകയും ചെയ്തു.
സിസിടിവി ദൃശ്യങ്ങൾ പരിശോധിച്ച ശേഷം, തന്റെ ആധാർ കാർഡ് ഉപയോഗിച്ച് ഭർത്താവ് മറ്റൊരു സ്ത്രീയുമായി ഹോട്ടലിൽ ചെക്ക് ഇൻ ചെയ്തതായി യുവതി കണ്ടെത്തി, ഉദ്യോഗസ്ഥർ പറഞ്ഞു. ഒളിവിൽ കഴിയുന്ന യുവാവിനും കാമുകിക്കുമെതിരെ ഐപിസി സെക്ഷൻ 419 (വഞ്ചന) പ്രകാരമാണ് കേസെടുത്തിരിക്കുന്നത്.
