സര്‍വകലാശാല പ്രോ വൈസ് ചാൻലര്‍ എന്ന അധികാര പരിധിയിൽ നിന്നു കൊണ്ടു മന്ത്രി നിര്‍ദേശം മുന്നോട്ടു വെക്കുക മാത്രമാണ് ചെയ്തതെന്ന് ലോകായുക്ത ഉത്തരവിൽ വ്യക്തമാക്കുന്നു. കൂടാതെ വൈസ് ചാൻസലറെ നിയമിക്കാനുള്ള പൂര്‍ണ അധികാരം ഗവര്‍ണറുടേതു മാത്രമാണെന്നും ഉത്തരവിൽ വ്യക്തമാക്കുന്നുണ്ട്. നിയമനം നടത്തിയത് ഗവര്‍ണറാണെന്നും ഉത്തരവിൽ ചൂണ്ടിക്കാട്ടുന്നു. അതേസമയം, ഉത്തരവിനെതിരെ രൂക്ഷവിമര്‍ശനവുമായി രമേശ് ചെന്നിത്തല രംഗത്തെത്തിയിട്ടുണ്ട്.
Also Read:
പ്രൊഫസര്‍ ഗോപിനാഥ് രവീന്ദ്രൻ്റെ പുനര്‍നിയമനം സംബന്ധിച്ച് മന്ത്രി ആര്‍ ബിന്ദു നടത്തിയ നീക്കമായിരുന്നു വിവാദമായത്. ഈ വിഷയത്തിൽ ഗവര്‍ണറുടെ ഓഫീസ് ഉന്നത വിദ്യാഭ്യാസ സെക്രട്ടറിയ്ക്ക് നൽകിയ കത്തിൻ്റെ മറുപടിയായി മന്ത്രി ആര്‍ ബിന്ദു നിര്‍ദേശം മുന്നോട്ടു വെക്കുകയായിരുന്നുവെന്ന് രേഖകളിൽ നിന്ന് വ്യക്തമാകുന്നുണ്ടെന്ന് ലോകായുക്ത ചൂണ്ടിക്കാട്ടി. എന്നാൽ ഇതു സംബന്ധിച്ചു വന്ന മാധ്യമവാര്‍ത്തകള്‍ക്കു പിന്നാലെ നിയമനം നടത്തിയത് തന്‍റെ നിര്‍ദേശപ്രകാരമല്ല സര്‍ക്കാര്‍ നിര്‍ദേശപ്രകാരമാണെന്ന് ഗവര്‍ണര്‍ പ്രതികരിക്കുകയായിരുന്നു. എന്നാൽ ആരെ നിയമിക്കണമെന്ന് നിര്‍ദേശിക്കാൻ മന്ത്രിയോടു ഗവര്‍ണര്‍ ആവശ്യപ്പെടുകയായിരുന്നുവെന്നു തെളിയുന്ന കത്തും സര്‍ക്കാര്‍ ഹാജരാക്കിയിരുന്നു.
Also Read:
അതേസമയം, ലോകായുക്ത വിധിയ്ക്കെതിരെ രൂക്ഷമായ ഭാഷയിലായിരുന്നു ഹര്‍ജിക്കാരനായ രമേശ് ചെന്നിത്തലയുടെ വാദം. മന്ത്രി നടത്തിയത് ചട്ടലംഘനമാണെന്നും വിധഇ യുക്തിഭദ്രമല്ലെന്നും അദ്ദേഹം പറഞ്ഞു. സെര്‍ച്ച് കമ്മിറ്റി പിരി്ചു വിട്ട് വിസിയെ നിയമിക്കാൻ ആവശ്യപ്പെട്ടത് ചട്ടലംഘനമാണെന്നും 60 വയസ് കഴിഞ്ഞയാളെ വിസിയായി നിയമിക്കാൻ ആവശ്യപ്പെട്ടത് സ്വജനപക്ഷപാതമാണെന്നും ചെന്നിത്തല ആരോപിച്ചു.
