മന്ത്രിക്കും സർക്കാരിനുമെതിരെ രൂക്ഷമായ ആക്രമണമായിരുന്നു കണ്ണൂർ സർവ്വകലാശാല വൈസ് ചാൻസിലർ നിയമനവുമായി ബന്ധപ്പെട്ട് യുഡിഎഫും ഒരു വിഭാഗം മാധ്യമങ്ങളും ഉയർത്തിക്കൊണ്ടുവന്നത്. മന്ത്രി അധികാര ദുർവിനിയോഗം നടത്തി എന്നായിരുന്നു പ്രചരണം. അടിസ്ഥാനരഹിതവും രാഷ്ട്രീയപ്രേരിതവുമായിരുന്ന ആരോപണം ജനങ്ങൾക്കിടയിൽ സർക്കാർവിരുദ്ധ വികാരം സൃഷ്ടിക്കാനുള്ള ബോധപൂർവ്വമായ രാഷ്ട്രീയ നീക്കമായിരുന്നു ഇതെന്നും റഹീം പറഞ്ഞു.
Also Read :
പ്രതിപക്ഷ നേതാവ് വിഡി സതീശനെക്കാൾ കേമനാണ് താൻ എന്ന് തെളിയിക്കാനുള്ള അവസരമായികൂടിയാണ് രമേശ് ചെന്നിത്തല ഇതിനെ കണ്ടത്. ലോകായുക്തയിൽ നിന്ന് കനത്ത പ്രഹരമാണ് യുഡിഎഫിന് ഏറ്റത്. പതിവുപോലെ കുരുക്കുമായിറങ്ങിയ ഒരു വിഭാഗം മാധ്യമങ്ങൾക്കുള്ള മറുപടികൂടിയാണ് ലോകായുക്തയിൽ നിന്നുണ്ടായതെന്നും റഹീം വിമർശിച്ചു. പ്രതിപക്ഷം ഉന്നയിച്ച അടിസ്ഥാനരഹിതമായ കാര്യങ്ങൾ യാഥാർത്ഥ്യത്തിന്‍റെ നിറംകലർത്തി ഒരുവിഭാഗം മാധ്യമങ്ങൾ വാർത്തയാക്കുകയായിരുന്നെന്നും റഹീം വിമശിച്ചു.
പ്രതിപക്ഷത്തിന് വേണ്ടി ഓവർടൈം പണിയെടുക്കുന്ന ഈ മാധ്യമസംഘം ഈ പ്രശ്‌നത്തിൽ വസ്തുതാവിരുദ്ധമായ എത്രയെത്ര വാർത്തകളാണ് ‘ആധികാരികമായി’ നൽകിയത്. വാർത്തകളും പ്രതിപക്ഷ ആരോപണങ്ങളും ഒരേ ട്രാക്കിലൂടെ, പരസ്പര സഹകരണത്തോടെ സഞ്ചരിച്ചു. ഇത് അധാർമ്മികമായ മാധ്യമ പ്രവർത്തനരീതിയാണെന്നും ഡിവൈഎഫ്ഐ നേതാവ് പറഞ്ഞു.
Also Read :
ഏകപക്ഷീയമായി കല്ലെറിയുന്നതാണ് മഹത്തരമായ മാധ്യമ പ്രവർത്തനമെന്ന മിഥ്യാധാരണയിൽ നിന്ന് മാധ്യമങ്ങൾ മോചിപ്പിക്കപ്പെടണം. പ്രതിപക്ഷം രാഷ്ട്രീയം നടത്തട്ടെ, മാധ്യമങ്ങൾ മാധ്യമപ്രവർത്തനവും നടത്തട്ടെ. വലതുപക്ഷത്തിന് വേണ്ടി ഓവർടൈം പണിയെടുക്കാൻ കുരുക്കുമായി നടക്കുന്ന ഏർപ്പാട് ഇനിയെങ്കിലും നിർത്തുന്നതല്ലേ നല്ലതെന്നും റഹീം ഫേസ്ബുക്ക് പോസ്റ്റിലൂടെ ചോദിച്ചു.
