കർണാടകത്തിൽ പൂജ നടത്തി സ്ഥാനമേറ്റ് യൂത്ത് കോൺഗ്രസ് പ്രസിഡന്റ്

ബംഗളൂരു
കർണാടകത്തിൽ യൂത്ത് കോൺഗ്രസ് സംസ്ഥാന പ്രസിഡന്റുസ്ഥാനം ഏറ്റെടുക്കലിന് പൂജയും ഹോമവും. പുതുതായി തെരഞ്ഞെടുത്ത മുഹമ്മദ് ഹാരിസ് നാലപ്പാട് സ്ഥാനമേൽക്കുന്നതിനോട് അനുബന്ധിച്ചാണ് റേസ് കോഴ്സ് റോഡിലെ കോൺഗ്രസ് ഓ-ഫീസിൽ പൂജ നടത്തിയത്. പൂജയ്ക്കുശേഷം പിസിസി അധ്യക്ഷൻ ഡി കെ ശിവകുമാർ, കോൺഗ്രസ് പ്രചരണസമിതി ചെയർമാൻ എം ബി പാട്ടീൽ എന്നിവരെയും മുഹമ്മദ് ഹാരിസ് സന്ദർശിച്ചു. സംഭവത്തിൽ സമൂഹ മാധ്യമങ്ങളിലടക്കം വലിയ വിമർശമുയർന്നു. ബംഗളൂരു ശാന്തിനഗർ എംഎൽഎ എൻ എ ഹാരിസിന്റെ മകനാണ് കാസർകോട് സ്വദേശിയായ മുഹമ്മദ് ഹാരിസ്. ഹാരിസ് സ്ഥാനത്തേക്ക് തെരഞ്ഞെടുക്കപ്പെട്ടതു സംബന്ധിച്ചും വിമർശമുയർന്നിരുന്നു.