കൊച്ചി> പ്രഭാസ് നായകനാകുന്ന ചിത്രം രാധേശ്യാമിന്റെ പുതിയ റിലീസ് തീയതി പ്രഖ്യാപിച്ചു. ചിത്രം മാർച്ച് 11ന് തിയേറ്ററിലെത്തും. ചിത്രത്തിൽ ഹസ്തരേഖ വിദഗ്ദ്ധനായ വിക്രമാദിത്യ എന്ന കഥാപാത്രത്തെയാണ് പ്രഭാസ് അവതരിപ്പിക്കുന്നത്. പൂജ ഹെഗ്ഡെ പ്രേരണ എന്ന കഥാപാത്രത്തെ അവതരിപ്പിക്കുന്നു.
ചിത്രത്തില് സച്ചിന് ഖേദേക്കര്, ഭാഗ്യശ്രീ, പ്രിയദര്ശി, മുരളി ശര്മ, സാശാ ചേത്രി, കുനാല് റോയ് കപൂര് എന്നിവരും പ്രധാന വേഷം കൈകാര്യം ചെയ്യുന്നു. യുവി ക്രിയേഷന്, ടി- സീരീസ് ബാനറില് ഭൂഷണ് കുമാര്, വാംസി, പ്രമോദ് എന്നിവര് ചേര്ന്ന് നിര്മ്മിച്ച ചിത്രത്തിന്റെ സംവിധാനം നിര്വഹിച്ചിരിക്കുന്നത് രാധാ കൃഷ്ണകുമാറാണ്.
തെലുങ്ക്, ഹിന്ദി, തമിഴ്, മലയാളം ഭാഷകളിലാണ് ചിത്രം എത്തുന്നത്. ഛായാഗ്രഹണം: മനോജ് പരമഹംസ, എഡിറ്റിംഗ്: കോട്ടഗിരി വെങ്കിടേശ്വര റാവു, ആക്ഷന്: നിക്ക് പവല്, ശബ്ദ രൂപകല്പ്പന: റസൂല് പൂക്കുട്ടി, നൃത്തം: വൈഭവി, കോസ്റ്റ്യൂം ഡിസൈനര്: തോട്ട വിജയഭാസ്കര്, ഇഖ ലഖാനി, എക്സിക്യൂട്ടീവ് പ്രൊഡ്യൂസര്: എന്. സന്ദീപ്.
