കൊച്ചി > എസ് എസ് രാജമൗലിയുടെ ബ്രഹ്മാണ്ഡ ചിത്രം ആർആർആർ മാർച്ച് 25ന് തിയേറ്ററിൽ എത്തും. റിലീസിങ് തീയതി ഔദ്യോഗികമായി പ്രഖ്യാപിച്ചതിന് പിന്നാലെ ചിത്രത്തിന്റെ വിവിധ ഭാഷകളിലുള്ള ട്രെയ്ലറുകൾ 150 മില്യൺ കാഴ്ചക്കാരുമായി കുതിക്കുകയാണ്. കേരളത്തിൽ ഷിബു തമീൻസിന്റെ നേതൃത്വത്തിൽ റിയാ ഷിബുവിന്റെ എച്ച്ആർ പിക്ചേഴ്സാണ് ചിത്രം വിതരണത്തിന് എത്തിക്കുന്നത്.
രാംചരണ്, ജൂനിയര് എന്ടിആര് എന്നിവരെ കേന്ദ്ര കഥാപാത്രങ്ങളാക്കി രാജമൗലി ഒരുക്കുന്ന ചിത്രം ആര്ആര്ആറിന്റെ മൂന്ന് മിനിറ്റ് ദൈര്ഘ്യം വരുന്ന ട്രെയ്ലര് ആക്ഷന് രംഗങ്ങള് കൊണ്ട് സമ്പന്നമാണ്. ആലിയ ഭട്ടും അജയ് ദേവ്ഗണും ചിത്രത്തില് പ്രധാന വേഷങ്ങളിലെത്തുന്നുണ്ട്. ബോളിവുഡിലെയും ടോളിവുഡിലേയും പ്രമുഖ താരങ്ങളാണ് ഈ ചിത്രത്തില് അണിനിരക്കുന്നത്. വി വിജയേന്ദ്രപ്രസാദാണ് ചിത്രത്തിന്റെ തിരക്കഥ.
ജൂനിയര് എന്ടിആര് കൊമാരം ഭീം ആയും രാം ചരണ് അല്ലൂരി സീതരാമ രാജുവുമായാണ് ചിത്രത്തില്. സീത എന്ന കഥാപാത്രത്തെയാണ് ആലിയ അവതരിപ്പിക്കുന്നത്. ചരിത്രവും ഫിക്ഷനും കൂട്ടിചേര്ത്താണ് ചിത്രം ഒരുക്കുന്നത്. രുധിരം, രണം, രൗദ്രം, എന്നാണ് ആര്ആര്ആര് എന്ന പേര് കൊണ്ട് ഉദ്ദേശിക്കുന്നത്. 450 കോടി മുതല്മുടക്കില് ഒരുങ്ങിയ ചിത്രത്തില് ഒലിവിയ മോറിസ്, സമുദ്രക്കനി, അലിസണ് ഡൂഡി, റേ സ്റ്റീവന്സണ് എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്.
ബാഹുബലിക്ക് ശേഷമുള്ള രാജമൗലിയുടെ ആദ്യ ചിത്രമായ ആര്ആര്ആറിന്റെ എഡിറ്റിങ് ശ്രീകര് പ്രസാദും ഛായാഗ്രഹണം കെ കെ സെന്തില് കുമാറും നിര്വഹിക്കുന്നു. ഡിവിവി ദാനയ്യയാണ് ചിത്രത്തിന്റെ നിര്മാതാവ്. സംഗീതം: എം എം കീരവാണി. പിആർഒ: പ്രതീഷ് ശേഖർ.
