അർജന്റീനയും ബ്രസീലും നാളെ ഇറങ്ങും

കൊർഡോബ > ലോകകപ്പ് ഫുട്ബോളിന് യോഗ്യത നേടിയ അർജന്റീനയ്ക്കും ബ്രസീലിനും നാളെ യോഗ്യതാ മത്സരങ്ങളുണ്ട്. അർജന്റീന പുലർച്ചെ അഞ്ചിന് കൊളംബിയയെയും ബ്രസീൽ ആറിന് പരാഗ്വേയെയും നേരിടും. പെറു- ഇക്വഡോർ മത്സരവിജയി ലോകകപ്പ് ടിക്കറ്റെടുക്കും. ചിലിക്ക് ബൊളീവിയയാണ് എതിരാളി. ഉറുഗ്വേ വെനസ്വേലയുമായി ഏറ്റുമുട്ടും. ഏഷ്യയിൽനിന്ന് യോഗ്യത നേടാനൊരുങ്ങുന്ന ജപ്പാൻ ഇന്ന് സൗദി അറേബ്യയെയും ദക്ഷിണ കൊറിയ സിറിയയെയും നേരിടും.