ഒന്ന് മുതൽ 9 വരെയുള്ള ഓൺലൈൻ ക്ലാസുകളുടെ നടത്തിപ്പ്, പത്ത്, പതിനൊന്ന്, പന്ത്രണ്ട് ക്ലാസുകളുടെ ക്രമീകരണം, പരീക്ഷാ നടത്തിപ്പ്, കുട്ടികളുടെ വാക്സിനേഷൻ പുരോഗതി, എന്നിവയാകും ഉന്നതതലയോഗത്തിലെ പ്രധാന ചർച്ച. ഡി ഡി, ആർ ഡി ഡി, എ ഡി തലത്തിലെ ഉദ്യോഗസ്ഥർ യോഗത്തിൽ പങ്കെടുക്കും.
Also Read :
ഇന്ന് രാവിലെ പത്ത് മണിക്ക് ഓൺലൈൻ ആയിട്ടാണ് യോഗം ചേരുക. നിലവിൽ ഒന്ന് മുതൽ ഒൻപത് വരെയുള്ള ക്ലാസുകൾ രണ്ടാഴ്ചത്തേക്കാണ് ഓൺലൈനിലേക്ക് മാറ്റിയിരുന്നത്. ജനുവരി 21 മുതലായിരുന്നു ഇത്. രോഗബാധ കുറയുന്നത് വരെ ഇത് തുടരണമോയെന്ന് യോഗം പരിശോധിക്കും. ഫെബ്രുവരി പകുതിയോടെ രോഗബാധ കുറയുമെന്ന് പ്രതീക്ഷയിലാണ് അധികൃതർ. അതുകൊണ്ട് തന്നെ പരീക്ഷാ തിയ്യതി തൽക്കാലം മാറ്റേണ്ടതില്ലെന്നാണ് കഴിഞ്ഞ കൊവിഡ് അവലോകനസമിതി യോഗം തീരുമാനിച്ചത്.
അതേസമയം സംസ്ഥാനത്ത് ഇന്നലെ 49,771 പേര്‍ക്കായിരുന്നു കൊവിഡ്-19 സ്ഥിരീകരിച്ചത് എറണാകുളം 9567, തിരുവനന്തപുരം 6945, തൃശൂര്‍ 4449, കോഴിക്കോട് 4196, കൊല്ലം 4177, കോട്ടയം 3922 എന്നിങ്ങനെയാണ് കേസുകൾ. നിലവില്‍ 3,00,556 കോവിഡ് കേസുകളില്‍, 3.6 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്. രോഗം സ്ഥിരീകരിച്ച് ചികിത്സയിലായിരുന്ന 34,439 പേര്‍ രോഗമുക്തി നേടുകയും ചെയ്തിരുന്നു.
Also Read :
വാക്‌സിനേഷന്‍ എടുക്കേണ്ട ജനസംഖ്യയുടെ 100 ശതമാനം പേര്‍ക്ക് ഒരു ഡോസ് വാക്‌സിനും (2,67,82,651), 84 ശതമാനം പേര്‍ക്ക് രണ്ട് ഡോസ് വാക്‌സിനും (2,23,63,556) നല്‍കിയെന്നും ആരോഗ്യ വകുപ്പ് പുറത്തുവിട്ട റിപ്പോർട്ട് വ്യക്തമാക്കുന്നു. 15 മുതല്‍ 17 വയസുവരെയുള്ള ആകെ 68.6 ശതമാനം (10,41,187) കുട്ടികള്‍ക്കാണ് വാക്‌സിന്‍ നല്‍കിയത്.
