മുംബൈ > നാവിക സേനയുടെ യുദ്ധക്കപ്പലായ ഐഎൻഎസ് രൺവീറിലുണ്ടായ പൊട്ടിത്തെറിയിൽ മൂന്ന് സൈനികർ മരിച്ചു. 17 പേർക്ക് പരിക്കുണ്ട്. മുംബൈ നേവൽ ഡോക്യാർഡിൽ വച്ചാണ് കപ്പലിന്റെ ഉൾഭാഗത്ത് സ്ഫോടനമുണ്ടായത്.
കപ്പലിലുണ്ടായിരുന്ന ജീവനക്കാർ ഉടൻ തന്നെ സ്ഥിതിഗതികൾ നിയന്ത്രണവിധേയമാക്കി. 2021 നവംബർ മുതൽ കിഴക്കൻ നാവിക കമാൻഡിൽ നിന്ന് ക്രോസ് കോസ്റ്റ് ഓപ്പറേഷൻ വിന്യാസത്തിലായിരുന്നു. തിരികെ മടങ്ങാനിരിക്കെയാണ് അപകടം. സംഭവത്തെക്കുറിച്ച് അന്വേഷിക്കാൻ നാവികസേന ഉത്തരവിട്ടു.
