കൊച്ചി: ടൂറിസം വകുപ്പ് സ്ഥാപിച്ച സൈൻ ബോർഡ് അപകടാവസ്ഥയിലെന്ന് വകുപ്പ് മന്ത്രിയുടെ പോസ്റ്റിന് താഴെ പരാതിയുമായി പരിസരവാസി. മന്ത്രി മുഹമ്മദ് റിയാസിന്റെ ഫെയ്സ്ബുക്ക് പോസ്റ്റിന് താഴെയാണ് എറണാകുളം പറവൂർ മുൻസിപ്പൽ കവല സ്വദേശി നിഖിൽ കെ.എസ് പരാതിയുമായി എത്തിയത്. കമൻറ്ശ്രദ്ധയിൽപ്പെട്ട് മണിക്കൂറുകൾക്കുള്ളിൽ മന്ത്രി ഇടപെട്ട് വിഷയത്തിന് പരിഹാരവും കണ്ടു.
ടൂറിസം വകുപ്പ് സ്ഥാപിച്ച സൈൻ ബോർഡ് അപകടാവസ്ഥയിലാണെന്നും ഏതു നിമിഷവും യാത്രക്കാരുടെ തലയിൽ വീഴാനുള്ള സാധ്യതയുണ്ടെന്നുമാണ് നിഖിൽ കമന്റ് ചെയ്തത്. പ്ലാനിങ് വിഭാഗത്തിൽ ഫോൺ വിളിച്ചും മെയിൽ അയച്ചും പരാതി പറഞ്ഞിട്ടും പരിഹാരം കാണുന്നില്ലെന്നും കമന്റിൽ നിഖിൽ കുറിച്ചു. ആരും തിരിഞ്ഞ് നോക്കുന്നില്ലെന്നും യുവാവിന്റെ പരാതിയിൽ പറയുന്നു.
നിഖിലിന്റെ പരാതി ശ്രദ്ധയിൽപ്പെട്ട മന്ത്രി ഉടനടി നടപടി എടുക്കാൻ ഉദ്യോഗസ്ഥർക്ക് നിർദ്ദേശം നൽകുകയായിരുന്നു. 24 മണിക്കൂറിനകം ഉദ്യോഗസ്ഥർ അപടകവാസ്ഥയിൽ ഉണ്ടായിരുന്ന സൈൻബോർഡ് നീക്കം ചെയ്യുകയും ചെയ്തു.
നിഖിലിന്റെ പരാതി രേഖപ്പെടുത്തിയുള്ള കമന്റ്
Content Highlights: complaint under facebook post of minister riyas and settled within hours
