കൊച്ചി> ആക്രമിക്കപ്പെട്ട നടിക്ക് പൂർണ്ണ പിന്തുണയുമായി ബോളിവുഡും. സംവിധായിക സോയ അക്തര്, നടിമാരായ സോനം കപൂര്, കൊങ്കണ ശര്മ്മ, നടന്മാരായ അലി ഫസല്, സിദ്ധാര്ത്ഥ് എന്നിവർ നടിക്ക് പിന്തുണയറിയിച്ച് രംഗത്തെത്തി. നടിയുടെ കുറിപ്പ് ഇൻസ്റ്റഗ്രാം സ്റ്റോറിയായി നൽകിയാണ് ഇവർ പിന്തുണ അറിയിച്ചത്.
നടിക്ക് പിന്തുണയുമായി ഇതിനോടകം നിരവധി പേർ രംഗത്തെത്തി. ‘നിനക്കൊപ്പം’ എന്ന് മമ്മൂട്ടിയും ‘ബഹുമാനം’ എന്ന് മോഹന്ലാലും ഇൻസ്റ്റഗ്രാമിൽ കുറിച്ചു. ഇവർക്ക് പുറമേ രേവതി, പൃഥ്വിരാജ്, ടൊവിനോ തോമസ്, കുഞ്ചാക്കോ ബോബന്, ജയസൂര്യ, ദുല്ഖര് സല്മാന്, മഞ്ജു വാര്യര്, ആഷിഖ് അബു, അന്നാ ബെന്, പാര്വതി, റിമ കല്ലിങ്കല്, ഐശ്വര്യ ലക്ഷ്മി, ബാബുരാജ് തുടങ്ങി നിരവധി താരങ്ങള് ഐക്യദാർഢ്യം പ്രഖ്യാപിച്ചു.
തനിക്ക് സംഭവിച്ച അതിക്രമിത്തിന് ശേഷം തന്റെ പേരും വ്യക്തിത്വവും അടിച്ചമര്ത്തപ്പെട്ടിരിക്കുകയാണെന്ന് നടി വെളിപ്പെടുത്തിയിരുന്നു. അഞ്ച് വര്ഷമായി എന്റെ പേരും വ്യക്തിത്വവും എനിക്ക് സംഭവിച്ച അതിക്രമത്തിനടിയില് അടിച്ചമര്ത്തപ്പെട്ടിരിക്കുകയാണ്. കുറ്റം ചെയ്തത് താന് അല്ലെങ്കിലും എന്നെ അവഹേളിക്കാനും നിശ്ശബ്ദയാക്കാനും ഒറ്റപ്പെടുത്താനും ഒരുപാട് ശ്രമങ്ങള് ഉണ്ടായിട്ടുണ്ട്.
എന്നാല് അപ്പോളൊക്കെയും ചിലരൊക്കെ നിശബ്ദത ഭേദിച്ച് മുന്നോട്ട് വന്നു. എനിക്ക് വേണ്ടി സംസാരിക്കാന് തന്റെ ശബ്ദം നിലയ്ക്കാതിരിക്കാന് ഇന്ന് എനിക്ക് വേണ്ടി നിലകൊള്ളുന്ന ഇത്രയും ശബ്ദങ്ങള് കേള്ക്കുമ്പോള് ഞാന് തനിച്ചല്ലെന്ന് തിരിച്ചറിയുന്നെന്നും അവര് വ്യക്തമാക്കി.
നീതി പുലരാനും തെറ്റു ചെയ്തവര് ശിക്ഷിക്കപ്പെടാനും ഇങ്ങനെയൊരനുഭവം മറ്റാര്ക്കും ഉണ്ടാവാതെയിരിക്കാനും താന് ഈ യാത്ര തുടര്ന്ന് കൊണ്ടേയിരിക്കുമെന്നും അതിജീവിത പറഞ്ഞു. കൂടെ നില്ക്കുന്ന എല്ലാവരുടെയും സ്നേഹത്തിനു ഹൃദയം നിറഞ്ഞ നന്ദിയെന്നും നടി കൂട്ടിച്ചേര്ത്തു.
നടൻ ദിലീപ് പ്രതിയായ കേസ് പുതിയ വെളിപ്പെടുത്തലുകളുടെയും കണ്ടെത്തലുകളുടെയും ഫലമായി വഴിത്തിരിവിലെത്തിയിരിക്കെയാണ് അതിജീവിതയുടെ പ്രതികരണം.
