ഗോവയിൽ തൃണമൂൽ ബിജെപിക്ക്‌ സഹായമാകും: സഞ്ജയ്‌ റൗട്ട്‌

മുംബൈ
ഗോവയിൽ തൃണമൂൽ കോൺഗ്രസ് മത്സരിക്കുന്നത് ബിജെപിയെ സഹായിക്കാനാണെന്ന് ശിവസേന എംപി സഞ്ജയ് റൗട്ട്. ഗോവയിൽ ബിജെപിക്ക് ജയം എളുപ്പമല്ല. എന്നാൽ, കോൺഗ്രസിനുമുന്നിൽ തൃണമൂലും ആം ആദ്മി പാർടിയും തടസ്സം സൃഷ്ടിച്ച് ബിജെപിയെ സഹായിക്കുകയാണ്–- ശിവസേന മുഖപത്രമായ സാമ്നയിൽ എഴുതിയ ലേഖനത്തിൽ റൗട്ട് ആരോപിച്ചു. ശക്തരായ നേതാക്കളില്ലാത്തതാണ് ഗോവയിൽ കോൺഗ്രസിന്റെ തിരിച്ചടിക്ക് കാരണമെന്നും റൗട്ട് പറഞ്ഞു.