തൃക്കാക്കരയിൽ കോൺഗ്രസിന്റെ സംഘടനാ സംവിധാനം ദുർബലമാണ്. കഴിഞ്ഞ തെരഞ്ഞെടുപ്പിൽ മണ്ഡലത്തിൽ ചതുഷ്കോണ മത്സരമാണ് നടന്നത്. പി ടി തോമസ് വളരെ പ്രഭാവമുള്ള നേതാവാണ്. ഞാനൊക്കെ ബഹുമാനിക്കുന്ന നേതാവാണ്. അദ്ദേഹത്തിന് ബദലായി കോൺഗ്രസിൽ ആരുമില്ല. കോൺഗ്രസ് അദ്ദേഹത്തെ തഴഞ്ഞതാണെന്നും അതിനാൽ അതിനെതിരെ തൃക്കാക്കരയിൽ വിധിയെഴുത്ത് ഉണ്ടാകുമെന്നും രാധാകൃഷ്ണൻ പ്രതീക്ഷ പ്രകടിപ്പിച്ചു.
അതേസമയം പി ടി തോമസിന്റെ ഭാര്യ ഉമ തോമസ് തൃക്കാക്കരയിൽ മത്സരിക്കുമെന്ന പ്രചാരണം ശക്തമാണ്. എന്നാൽ കോൺഗ്രസോ ഉമയോ ഇക്കാര്യം സ്ഥിരീകരിച്ചിട്ടില്ല. പി ടിയുടെ വിയോഗത്തിന് ശേഷം ആദ്യമായി മാധ്യമങ്ങളോട് പ്രതികരിച്ചപ്പോൾ തൃക്കാക്കര ഉപതെരഞ്ഞെടുപ്പിൽ മത്സരിക്കുന്നതിനെക്കുറിച്ച് നിലവിൽ ചിന്തിച്ചിട്ടില്ലെന്നായിരുന്നു ഉമ പറഞ്ഞത്.
“പി ടിക്ക് ശേഷം ഒരു തെരഞ്ഞെടുപ്പ് എന്ന കാര്യം ആലോചിക്കാൻ പോലും തോന്നുന്നില്ല. അതിലേക്ക് ഞാൻ എത്തിയിട്ടില്ല. എന്‍റെ നഷ്ടം വലിയൊരു നഷ്ടമാണ്. അതിൽ നിന്ന് പുറത്തു കടക്കേണ്ടതുണ്ട്.” എന്നായിരുന്നു സ്ഥാനാർത്ഥിത്വത്തെക്കുറിച്ച് ഉമ പ്രതികരിച്ചത്. ഉമയുടെ പേര് തൃക്കാക്കരയിൽ ഉയരുമ്പോഴും കോൺഗ്രസ് നിലപാട് വ്യക്തമാക്കിയിട്ടില്ല.
കോൺഗ്രസിൽ നിന്നും കെപിസിസി ജനറൽ സെക്രട്ടറി ദീപ്തി മേരി വര്‍ഗീസ്, ഡൊമിനിക് പ്രസന്റേഷന്‍, ടോണി ചമ്മണി, ഉമ തോമസ് എന്നിവരുടെ പേരുകൾ ഉയരുന്നുണ്ട്.
