കൃത്യമായ സാമൂഹിക അകലം പാലിക്കാതെ, കൊവിഡ് പ്രോട്ടോകോൾ പൂർണ്ണമായും ലംഘിച്ചുകൊണ്ട് ഉദ്ഘാടനം ചെയ്യുന്ന ഫോട്ടോയാണിത്. പുക്കിപ്പറമ്പിൽ മുസ്ലിം കോർഡിനേഷൻ കമ്മിറ്റി സംഘടിപ്പിച്ച വഖഫ് സംരക്ഷണ സമ്മേളനത്തിൻ്റെ നാലിരട്ടി ജനങ്ങൾ ഈ മേൽപ്പാലം ഉത്ഘാടനത്തിൽ സാമൂഹിക അകലം പാലിക്കാതെ പങ്കെടുത്തിട്ടുണ്ട്.
പുക്കിപ്പറമ്പ് വഖഫ് സമ്മേളനത്തിൽ കൊവിഡ് പ്രോട്ടോകോൾ പാലിച്ചില്ലെന്നു പറഞ്ഞ് സമസ്ത നേതാവ് അബ്ദുസ്സമദ് പൂക്കോട്ടൂരിനെതിരെ കേസെടുത്തവർ ഈ പാലം ഉദ്ഘാടനം ചെയ്ത പൊതുമരാമത്ത് മന്ത്രി മുഹമ്മദ് റിയാസ്, വഖഫ് കായിക വകുപ്പ് മന്ത്രി വി അബ്ദുറഹിമാൻ, കെ ടി ജലീൽ എംഎൽഎ എന്നിവർക്കെതിരെ കൊവിഡ് പ്രോട്ടോകോൾ പ്രകാരം കേസെടുക്കുമോയെന്ന് അബ്ദുറബ്ബ് ചോദിച്ചു.
വിദേശത്തു നിന്നും ഒന്നും, രണ്ടും, പിന്നെ ബൂസ്റ്റർ ഡോസുമെടുത്ത് നാട്ടിൽ വരുന്ന പ്രവാസികൾക്ക് ഒരാഴ്ച്ച ക്വാറന്റൈൻ വിധിക്കുന്ന സർക്കാർ തന്നെയാണ് ഒരു ഡോസെടുത്തവരും, ഒരു ഡോസും എടുക്കാത്തവരുമായ നാട്ടുകാരെ ഇങ്ങനെ പൊതുപരിപാടികൾക്ക് യാതൊരു മാനദണ്ഡങ്ങളും പാലിക്കാതെ കെട്ടിയെഴുന്നള്ളിക്കുന്നത്.
സംസ്ഥാന സർക്കാരിനും, സർക്കാരിനെ നിയന്ത്രിക്കുന്ന ബിജെപിക്കും, സിപിഎമ്മിനും എന്തുമാകാമെന്നായിരിക്കുന്നു. അവർക്കൊന്നും ബാധകമല്ലാത്ത കൊവിഡ് പ്രോട്ടോകോൾ, അതു മുസ്ലിം ലീഗിനും കോൺഗ്രസിനും, സർക്കാറിനെ വിമർശിക്കുന്നവർക്കും നേരെ പ്രയോഗിക്കാനുള്ളതാണെങ്കിൽ ജനം കയ്യും കെട്ടി നോക്കിയിരിക്കില്ലെന്ന് അബ്ദുറബ്ബ് മുന്നറിയിപ്പു നൽകി.
