കൊച്ചി
കേരള ഫുട്ബോൾ അസോസിയേഷൻ, രാംകോ സിമന്റ്സിന്റെ സഹകരണത്തോടെ സംഘടിപ്പിക്കുന്ന കേരള പ്രീമിയർ ലീഗിന്റെ ഒമ്പതാംപതിപ്പിന് നാളെ തുടക്കമാകും. 22 ടീമുകൾ രണ്ടു ഗ്രൂപ്പുകളിലായി പങ്കെടുക്കും.
ലീഗ്- കം- നോക്കൗട്ട് അടിസ്ഥാനത്തിൽ 113 മത്സരങ്ങളുണ്ടാകും. ഗ്രൂപ്പ് എ മത്സരങ്ങൾക്ക് കോഴിക്കോട് ഇ എം എസ് കോർപറേഷൻ സ്റ്റേഡിയം വേദിയാകും. ഗ്രൂപ്പ് ബി മത്സരങ്ങൾ എറണാകുളം മഹാരാജാസ് കോളേജ് ഗ്രൗണ്ടിലാണ്.
നാളെ പകൽ 3.30ന് നടക്കുന്ന ബി ഗ്രൂപ്പിലെ ഉദ്ഘാടനമത്സരത്തിൽ കേരള യുണൈറ്റഡ് എഫ്സി, കെഎസ്ഇബിയെ നേരിടും. ശനിയാഴ്ച 3.30ന് റിയൽ മലബാര് എഫ്സിയും സാറ്റ് തിരൂരും തമ്മിലാണ് എ ഗ്രൂപ്പിലെ ആദ്യമത്സരം. യുട്യൂബ് ചാനലായ സ്പോർട്സ് കാസ്റ്റ് മത്സരങ്ങൾ സംപ്രേഷണം ചെയ്യും. കാണികൾക്ക് പ്രവേശനമില്ല.
