ന്യൂഡൽഹി
വയനാട് എംപി രാഹുൽ ഗാന്ധി കേരളത്തിൽ എത്തുമ്പോഴെല്ലാം അമേത്തിയെ പരിഹസിക്കുകയാണെന്ന് യുപി മുഖ്യമന്ത്രി യോഗി ആദിത്യനാഥ്. അമേത്തിയിലെ ജഗദിഷ്പുരിൽ പുതിയ മെഡിക്കൽ കോളേജിന്റെ തറക്കല്ലിടൽ ചടങ്ങിലാണ് കുറ്റപ്പെടുത്തല്.
വിദേശത്ത് പോകുമ്പോൾ ഇന്ത്യയെ കുറ്റം പറയുന്ന രാഹുൽ കേരളത്തിലേക്ക് ചെല്ലുമ്പോൾ അമേത്തിയെ കുറ്റപ്പെടുത്തും. അബദ്ധത്തിൽ ഹിന്ദുക്കളായെന്നാണ് നെഹ്റു കുടുംബക്കാർ പറഞ്ഞിട്ടുള്ളത്. അവരാണ് ഇപ്പോൾ ഹിന്ദുവിനെയും ഹിന്ദുത്വത്തെയും കുറിച്ച് സംസാരിക്കുന്നത്–- ആദിത്യനാഥ് പരിഹസിച്ചു. അയോധ്യയിൽ രാമക്ഷേത്രം നിർമിക്കുന്നവരാണ് യഥാർഥ ഹിന്ദുക്കളെന്ന് കേന്ദ്രമന്ത്രി സ്മൃതി ഇറാനി പറഞ്ഞു.
