കൊച്ചി: മുനമ്പം പള്ളിപ്പുറം പഴയ ബോട്ട് ജെട്ടിക്ക് സമീപം കെട്ടിയിട്ടിരുന്ന രണ്ട് ബോട്ടുകൾക്ക് തീപിടിച്ചു. ഒരു ബോട്ടിന് തീപിടിച്ച ശേഷം സമീപത്തെ ബോട്ടിലേക്ക് തീ പടരുകയായിരുന്നു.സാംബൻ, മുഹമ്മദ് റഹിം എന്നിവരുടെ ഉടമസ്ഥതയിലുള്ള ഫിലിക്ക്സ്, ലേഡി മിറാക്കൾ എന്നീ ബോട്ടുകൾക്കാണ് തീപിടിച്ചത്.
തിങ്കളാഴ്ച വൈകിട്ട് ഏഴ്മണിയോടെയാണ് സംഭവം. ബോട്ടുകൾ പൂർണ്ണമായും കത്തിനശിച്ചു. ബോട്ടിൽ ഗ്യാസ് സിലിണ്ടർ ഉണ്ടായിരുന്നതുകാരണം നാട്ടുകാർക്ക്ബോട്ടിലേക്കെത്തി തീ അണക്കാൻ സാധിച്ചില്ല. വൈപ്പിൻ, പറവൂർ എന്നിവിടങ്ങളിൽ നിന്ന്ഫയർ ഫോഴ്സ് എത്തിയാണ് തീ അണച്ചത്.
തൊട്ടടുത്ത മാർക്കറ്റിലെ കടക്കാരെ ഒഴിപ്പിച്ചിരുന്നു. തീ പിടുത്തത്തിന്റെ കാരണം വ്യക്തമല്ല.
Content Highlights: Boats Catches Fire
