കോവിഡ്‌ ബാധിതരുടെ എണ്ണത്തില്‍ കുതിപ്പ്. സമൂഹവ്യാപന ഭീതിയില്‍ ഡല്‍ഹി, മുംബൈ

ന്യൂഡൽഹി
മുംബൈയിലും ഡൽഹിയിലും കോവിഡ് ബാധിതരുടെ എണ്ണത്തില് കുതിപ്പ്. രണ്ടിടത്തും സാമൂഹ്യവ്യാപന സാധ്യത വിദ​ഗ്ധര് തള്ളികളയുന്നില്ല.ഡൽഹിയിൽ 12നുശേഷം രോ​ഗബാധിതരായവരില് പകുതിപ്പേരിലും ഒമിക്രോൺ സ്ഥിരീകരിച്ചു. ഒമിക്രോൺ വകഭേദത്തിന്റെ സമൂഹവ്യാപനത്തിനുള്ള സാധ്യത തള്ളാനാകില്ലെന്ന് ആരോഗ്യവിദഗ്ധർ മുന്നറിയിപ്പ് നല്കി. വ്യാഴാഴ്ച ഡല്ഹിയില് രോ​ഗികള് 1313. ഏഴുമാസത്തിനുശേഷമുള്ള ഉയർന്ന പ്രതിദിന രോഗസംഖ്യ. മുംബൈയിൽ വ്യാഴാഴ്ച 3671 രോ​ഗികള്. ഒറ്റദിവസം 46 ശതമാനത്തിന്റെ വർധന. മുംബൈയിൽ ഈ മാസം 21നും 22നുമിടയിൽ പോസിറ്റീവായ മൂന്നിലൊന്നു പേർക്കും ഒമിക്രോൺ സ്ഥിരീകരിച്ചു. ഇവരാരും വിദേശയാത്ര ചെയ്യുകയോ വിദേശയാത്ര ചെയ്തവരുമായി സമ്പർക്കം പുലർത്തുകയോ ചെയ്തിട്ടില്ല.