യുഎപിഎ കേസ്‌ : വിധി പഠിച്ചശേഷം നിയമനടപടി തുടരുമെന്ന്‌ ഷാഹിന

കൊച്ചി
ക​ർ​ണാ​ട​ക പൊ​ലീ​സ്​ യു​എപിഎ ചു​മ​ത്തി​യ​തി​നെ​തി​രെ മാ​ധ്യ​മ​പ്ര​വ​ർ​ത്ത​ക കെ ​കെ ഷാ​ഹി​ന​ ഉൾപ്പെടെ മൂ​ന്നു​പേ​ർ ന​ൽ​കി​യ ഹ​ർജി ക​ർ​ണാ​ട​ക ഹൈ​ക്കോ​ട​തി ത​ള്ളി. വിധി പഠിച്ചശേഷം നിയമനടപടി തുടരുമെന്ന് ഷാഹിന പറഞ്ഞു. ബം​ഗ​ളൂരു സ്​​ഫോ​ടനപ​ര​മ്പ​ര കേ​സി​ൽ പി​ഡിപി ചെ​യ​ർ​മാ​ൻ അ​ബ്​​ദുൾ നാസർ മഅ്​​ദ​നി​ക്കെ​തി​രെ സാ​ക്ഷി​മൊ​ഴി ന​ൽ​കി​യവരെ ഭീഷണിപ്പെടുത്തിയെന്നാണ് കേസ്.

ഷാ​ഹി​ന, കാ​സ​ർ​കോ​ട്​ സ്വ​ദേ​ശി സു​ബൈ​ർ പ​ടു​പ്പ്, കു​ട​ക്​ മ​ടി​ക്കേ​രി യ​ല​വി​ദ​ഹ​ള്ളി സ്വ​ദേ​ശി ഉ​മ്മ​ർ മൗ​ല​വി എ​ന്നി​വ​ർ​ക്കെ​തി​രെ സോ​മ​വാ​ർ​പേ​ട്ട്, സി​ദ്ധാ​പു​ര സ്​​റ്റേ​ഷ​നു​ക​ളി​ലാ​യി 2010ലാ​ണ്​ കേ​സ്​ ര​ജി​സ്​​റ്റ​ർ ചെ​യ്​​ത​ത്. ബം​ഗ​ളൂ​രു സ്ഫോ​ട​ന​ക്കേ​സി​ലെ ഒ​ന്നാംപ്ര​തി​ ത​ടി​യ​ന്റ​വി​ട ന​സീ​റിന്റെ നേ​തൃ​ത്വ​ത്തി​ൽ ന​ട​ന്ന ഗൂ​ഢാ​ലോ​ച​ന​യി​ൽ പ​ങ്കെ​ടു​ക്കാ​ൻ മഅ്​ദനി കു​ട​കി​ൽ പോ​​യെ​ന്നാ​ണ് പ്രോ​സി​ക്യൂ​ഷ​ൻ വാ​ദം. മ​അ്​​ദ​നി​യെ കു​ട​കി​ൽ​വച്ച് ക​ണ്ടെ​ന്ന്​​ കു​ട​ക് സ്വ​ദേ​ശി കെ ​ബി റഫീഖും ​കെ ​കെ യോ​ഗാ​നന്ദും മൊ​ഴി ന​ൽ​കി. തെ​ഹ​ൽക റി​പ്പോ​ർ​ട്ട​റാ​യി​രു​ന്ന ഷാ​ഹി​ന, 2010 നവം​ബ​ർ 16ന്​ ​ന​ട​ത്തി​യ രഹസ്യക്യാമറ അ​ഭി​മു​ഖത്തിൽ ഇ​രു​വ​രും മൊ​ഴി നി​ഷേ​ധി​ച്ചു. ഈ ​റിപ്പോ​ർ​ട്ടി​നെ തു​ട​ർ​ന്നാ​ണ്​​ സാ​ക്ഷി​ക​ളെ ഭീ​ഷ​ണി​പ്പെ​ടു​ത്തി​യെ​ന്ന പേ​രി​ൽ ഷാ​ഹി​ന​യ്ക്കും മറ്റുള്ളവർക്കുമെതിരെ കേസെടുത്തത്. ആവശ്യമായ പ​രി​ശോ​ധ​ന​ നടത്താതെയും ന​ട​പ​ടിക്ര​മ​ങ്ങ​ൾ പാ​ലി​ക്കാ​തെ​യു​മാ​ണ്​ യുഎപിഎ ചു​മ​ത്തി​യ​തെ​ന്ന് ഹ​ർ​ജി​ക്കാ​ർ വാദിച്ചു.