ടിക്ക് ടോക്കിന്റെ ചൈനീസ് പതിപ്പായ ഡോയിലിനിലാണ്
അപരന്റെ വീഡിയോ ആദ്യം വന്നത്. യഥാർത്ഥ ഇലോൺ മസ്കുമായി വിഡിയോയിൽ കാണുന്ന വ്യക്തിയ്ക്ക് അസാമാന്യമായ സാമ്യമുണ്ട്. ഒരു കറുത്ത ടെസ്‌ല കാറിനോട് ചേർന്നാണ് ക്യാമറയിലേക്ക് നോക്കി നിൽക്കുന്ന എന്തോ പറയുന്നതാണ് ഇലോൺ മസ്കിന്റെ അപരന്റെ വീഡിയോ. ചിലർ ഇലോൺ മസ്ക് എന്ന പേരിനെ ചൈനീസ് വത്കരിച്ച് വീഡിയോയിലെ കക്ഷിയുടെ പേര് ‘യി-ലോങ്ങ് മസ്ക്’ എന്നാണ് എന്ന് തട്ടിവിട്ടുമുണ്ടായിരുന്നു.
ഏതായാലും കറങ്ങി തിരിഞ്ഞ് ചൈനീസ് മാസ്കിന്റെ വീഡിയോ യഥാർത്ഥ മസ്കിന്റെ ശ്രദ്ധയിലും പെട്ടു. ഒരു ട്വിറ്റെർ ഉപഭോക്താവ് പോസ്റ്റ് ചെയ്ത വീഡിയോയ്ക്ക് കീഴെ കുറിച്ച കമൻഡാണ് ഇപ്പോൾ ശ്രദ്ധ നേടുന്നത്. “ഒരുപക്ഷേ ഞാൻ ഭാഗികമായി ചൈനക്കാരനായിരിക്കാം!” എന്നാണ് ഇലോൺ മസ്ക് തന്റെ അപരന്റെ വീഡിയോയ്ക്ക് കീഴെ കുറിച്ചത്.
അതെ സമയം വൈറൽ വീഡിയോ യാഥാർത്ഥമാണോ, ഇങ്ങനെ ഒരു വ്യക്തി ചൈനയിലുണ്ടോ അതോ ഡീപ്ഫെയ്ക്ക് പോലെ എന്തെങ്കിലുമൊരു ആപ്പ് ഉപയോഗിച്ച് തയ്യാറാക്കിയതാണോ എന്ന് ഇനിയും തെളിയിക്കപ്പെട്ടിട്ടില്ല. വിഡിയോയിൽ പ്രദർശിപ്പിക്കുന്ന വ്യക്തിയുടെ മുഖം പ്രശസ്തരായ വ്യക്തികൾക്ക് സമാനമായി മാറ്റുന്ന സംവിധാനമാണ് ഡീപ്ഫെയ്ക്ക്. ശ്രദ്ധിച്ചില്ലെങ്കിൽ കൃത്രിമമായി തയ്യാറാകുന്ന ഇത്തരം വിഡിയോയിൽ പ്രദർശിപ്പിക്കുന്ന പ്രശസ്തനായ വ്യക്തി യാഥാർത്ഥം ആണെന്ന് തെറ്റിദ്ധരിച്ചേക്കാം. വ്യാജവാർത്തകൾ, സാമ്പത്തീക തട്ടിപ്പുകൾ, സെലിബ്രിറ്റികളുടെ അശ്ലീവിഡിയോകൾ തയ്യാറാക്കാൻ എന്നിങ്ങനെ വ്യാപകമായ ഉപയോഗം മൂലം ഡീപ്ഫെയ്ക്ക് പോലുള്ള ആപ്പുകൾ സമീപ കാലത്ത് വലിയ ശല്യമാവുന്നുണ്ട്.
