പോലീസ് സേനയിലും സിവിൽ സർവീസിലും ആർഎസ്എസ് കടന്നുകയറ്റമുണ്ടായെന്നും ജില്ലാ സമ്മേളനത്തിൽ വിമർശനം ഉയർന്നു. വിവിധ വകുപ്പുകളുടെയും മന്ത്രിമാരുടെയും പ്രവർത്തനം സംബന്ധിച്ച വിലയിരുത്തലിലാണ് ഇത്. പോലീസ് സേനയിൽ സർക്കാർ കൂടുതൽ ജാഗ്രത പുലർത്തേണ്ടതുണ്ട്. പാർട്ടി ഇക്കാര്യത്തിൽ വിലയിരുത്തൽ നടത്തണമെന്ന് പ്രതിനിധികൾ ചൂണ്ടിക്കാട്ടിയെന്നും റിപ്പോർട്ട് പറയുന്നു.
Also Read :
ആഭ്യന്തര വകുപ്പിനെതിരെ രൂക്ഷവിമർശനം ആണെങ്കിലും പൊതുമരാമത്ത്- ടൂറിസം വകുപ്പ് മന്ത്രി മുഹമ്മദ് റിയാസിനെ പ്രതിനിധികൾ പ്രശംസിക്കുകയും ചെയ്തു. മന്ത്രി മികച്ച പ്രകടനമാണ് നടത്തുന്നതെന്നാണ് വിലയിരുത്തൽ. ദേവസ്വം ബോർഡിലെ പാർട്ടി നേതാക്കൾ ശബരിമലയിലെത്തി കുമ്പിടുന്നത് നാട്ടുകാരെ കബളിപ്പിക്കാനാണെന്നും ചില അംഗങ്ങൾ വിമർശിച്ചു.
Also Read :
സിപിഎം പത്തനംതിട്ട ജില്ലാ സമ്മേളനം പാർട്ടി പോളിറ്റ് ബ്യൂറോ അംഗം എസ് രാമചന്ദ്രൻപിള്ളയാണ് ഉദ്ഘാടനം ചെയ്തത്. ചരിത്രം ഏൽപ്പിച്ച ഈ ചുമതല എങ്ങനെ നിർവഹിക്കുന്നു എന്നതിനെ ആശ്രയിച്ചാണ് രാജ്യത്ത് ഇടതുപക്ഷത്തിന്‍റെ ഭാവിയെന്ന് അദ്ദേഹം പറഞ്ഞു. ഈ ലക്ഷ്യത്തിലേക്ക് എത്തുന്നതിന് റഷ്യയെയോ ചൈനയെയോ മാതൃകയാക്കാനാവില്ല. അവിടെ സാഹചര്യങ്ങൾ വ്യത്യസ്തമാണെന്നും ബദൽ ശക്തിയാവാനായി പുതുവഴി സ്വയം വെട്ടിത്തെളിക്കണമെന്നും അദ്ദേഹം കൂട്ടിച്ചേർത്തു. ഒന്നാം പിണറായി സർക്കാരിന്‍റെ അതിസമർഥമായ മികവും പാർട്ടിയുടെ പ്രവർത്തനവുമാണ് തുടർഭരണം സാധ്യമാക്കിയതെന്നും എസ് രാമചന്ദ്രൻപിള്ള പറഞ്ഞു.
