കൊച്ചി> ട്രാക്കിലെ മുന്കാല സുവര്ണ താരവും ലക്ഷദ്വീപില് നിന്നുള്ള ആദ്യ ദേശീയ അത്ലറ്റുമായ മുഹമ്മദ് നസീം വിവാഹിതനായി. ലക്ഷദ്വീപ് അന്ത്രോത് സ്വദേശിനി ആയിഷ സാദിയ ആണ് വധു.
2008-2009 കാലഘട്ടത്തില് ദേശീയ ട്രാക്ക് ആന്ഡ് ഫീല്ഡ് മത്സരങ്ങളില് കേരളത്തിന്റെ മിന്നു താരമായിരുന്നു മുഹമ്മദ് നസീം. ലക്ഷദ്വീപ് ആന്ത്രോത് സ്വദേശിയും എച്ച്. എം. ടി ജീവനക്കാരനുമായ ആറ്റക്കോയ – ബീബി ദമ്പതികളുടെ മകനാണ്.
സ്കൂള് കാലഘട്ടത്തില് തന്നെ മീറ്ററുകളില് ഒന്നാമനായി ചാമ്പ്യന്ഷിപ് നേടി. പിന്നീട് ഇന്റര് യൂണിവേഴ്സിറ്റി, സൗത്ത് സോണ്, ദേശീയ ഗെയിംസ് എന്നിവയില് മികച്ച പ്രകടനത്തോടെ ലക്ഷദ്വീപില് നിന്നുള്ള ആദ്യ അഖിലേന്ത്യാ സ്പോര്ട്സ് താരമായി. കല്മുട്ടിനേറ്റ പരിക്കും പേശിവലിവും മൂലം പിന്നീട് കളിക്കളം വിടുകയായിരുന്നു.
നസീം നിലവില് പട്ടിക ജാതി വികസന വകുപ്പിലെ ജീവനക്കാരനാണ്.
