‘രാത്രി കർഫ്യൂ, പകൽ ലക്ഷങ്ങളെ പ​​​​ങ്കെടുപ്പിച്ച്​ റാലി’ ; വിമർശിച്ച്​ വരുൺ ഗാന്ധി

ലഖ്നൗ
ഉത്തർപ്രദേശ്​ സർക്കാരിന്റെ കോവിഡ്​ നിയന്ത്രണങ്ങളെ രൂക്ഷമായി വിമർശിച്ച്​ ബിജെപി എംപി വരുൺ ഗാന്ധി.
രാത്രിയിൽ കർഫ്യൂ ഏർപ്പെടുത്തുമെന്നും പകൽ ലക്ഷങ്ങൾ പ​ങ്കെടുക്കുന്ന റാലി സംഘടിപ്പിക്കുമെന്നും ബിജെപിയെയും സംസ്ഥാന സർക്കാരിനെയും വിമർശിച്ച്​ വരുൺ ഗാന്ധി ട്വീറ്റ്​ ചെയ്തു.ഇത് സാധാരണക്കാർക്ക് മനസ്സിലാക്കാവുന്നതിലും അപ്പുറമാണ്. ഉത്തർപ്രദേശിന്റെ പരിമിതമായ ആരോഗ്യസംവിധാനങ്ങൾ കണക്കിലെടുക്കുമ്പോൾ, ഭയാനകമായ ഒമിക്രോൺ വ്യാപനം തടയുന്നതിനാണോ അതോ തെര​ഞ്ഞെടുപ്പ്​ ശക്തിപ്രകടനത്തിനാണോ മുൻഗണന നൽകേണ്ടതെന്ന്​ തീരുമാനിക്കണം–- -വരുൺ ഗാന്ധി ട്വീറ്റ്​ ചെയ്തു.