ന്യൂസിലൻഡ്‌ 
അടുത്തവർഷം 
പാകിസ്ഥാനിലേക്ക്‌

ലാഹോർ
അടുത്തവർഷം ന്യൂസിലൻഡ് ക്രിക്കറ്റ് ടീം പാകിസ്ഥാനിൽ പര്യടനം നടത്തും. 2022 ഡിസംബർ–2023 ജനുവരി കാലയളവിൽ രണ്ടു ടെസ്റ്റും മൂന്ന് ഏകദിനവും കളിക്കും. 2023 ഏപ്രിലിൽ വീണ്ടും കിവികൾ പാകിസ്ഥാനിലെത്തും. അഞ്ച് ഏകദിനവും ട്വന്റി 20യുമാണ് കളിക്കുക.ഈ വർഷം സെപ്തംബറിൽ പാകിസ്ഥാനിൽ കളിക്കാനെത്തിയ ന്യൂസിലൻഡ് ടീം ആദ്യമത്സരത്തിന് തൊട്ടുമുമ്പ് പിന്മാറിയിരുന്നു. സുരക്ഷാകാരണങ്ങൾ ഉന്നയിച്ചായിരുന്നു പിന്മാറ്റം.