കത്തിൽ ഒപ്പ് വെക്കാൻ തയ്യാറാകാതിരുന്നത് കെ റെയിൽ പദ്ധതിയെ പിന്തുണയ്ക്കുന്നു എന്നല്ല. എന്നാൽ, കത്തിൽ ഒപ്പ് വെക്കണമെന്ന് മാത്രമാണ് തന്നോട് ആവശ്യപ്പെട്ടതെന്നും കത്തിൻ്റെ ഉള്ളടക്കം തനിക്ക് ലഭ്യമായിരുന്നിലെന്നും തരൂർ തുറന്നുപറഞ്ഞു.
സഹപ്രവർത്തകരുടെ ഭാഗത്ത് നിന്നും ഉണ്ടാകുന്നതിന് സമാനമായി കെ റെയിൽ പദ്ധതിയിൽ നിരവധി ആശങ്കകകൾ നിലവിലുണ്ട്. നിരവധിയാളുകളെ കുടിയൊഴിപ്പിച്ച് കൊണ്ട് ഇത്തരമൊരു പദ്ധതി നടപ്പാക്കേണ്ടതുണ്ടോ എന്നതാണ് അതിലൊന്ന്. പദ്ധതി നമ്മുടെ പരിസ്ഥിതിയെ വീണ്ടും ദുർബലമാക്കുമോ എന്ന ചോദ്യത്തിനൊപ്പം സാമ്പത്തികമായി എത്രമാത്രം പ്രായോഗികമാണ് കെ റെയിൽ എന്നും അറിയേണ്ടതുണ്ട്. വലിയ തോതിൽ പണച്ചെലവ് വരുന്നതിനാൽ പദ്ധതിയുമായി ബന്ധപ്പെട്ട് ജനങ്ങൾക്ക് ആശങ്കയുണ്ടെന്നും തരൂർ വ്യക്തമാക്കി.
ജനങ്ങളുടെ ആശങ്കകൾ പരിഹരിക്കാൻ സർക്കാർ പ്രതിനിധികൾ, സാങ്കേതില – ഭരണ വിദഗ്ധർ എന്നിവൾ ഉൾപ്പെടുന്ന ഒരു ഫോറത്തിന് രൂപം നൽകുകയും സമഗ്രമായ ചർച്ച നടത്തുകയുമാണ് വേണ്ടതെന്ന് തരൂർ കൂട്ടിച്ചേർത്തു. കണ്ണടച്ച് ഒരു പദ്ധതിയെ എതിർക്കുന്നത് ജനാധിപത്യത്തിൽ സ്വാഗതാർഹമായ നിലപാടല്ല. നല്ല കാര്യങ്ങൾ അംഗീകരിക്കാനും മോശം കാര്യങ്ങൾ എതിർക്കാനും നമുക്ക് കഴിയണം. ഒരു പാർട്ടി സ്വീകരിക്കുന്ന നയങ്ങളോടും പ്രത്യയ ശാസ്ത്രങ്ങളോടും നമുക്ക് എതിർപ്പുണ്ടാകുമെങ്കിലും ഒന്നിച്ച് പോകേണ്ട കാര്യങ്ങളിൽ ഒന്നിച്ച് തന്നെ പോകണമെന്നും അദ്ദേഹം പറഞ്ഞു.
കേരളം ബിസിനസ് ചെയ്യാൻ കഴിയുന്ന സ്ഥലമാണെന്ന് ലുലു മാൾ ഉദ്ഘാടന ചടങ്ങിൽ മുഖ്യമന്ത്രി പറയുകയുണ്ടായി. അദ്ദേഹത്തിൻ്റെ ഈ നിലപാടിനെയാണ് ഞാൻ പ്രശംസിച്ചത്. കെ – റെയിൽ പദ്ധതിയുമായും ലുലു മാൾ ഉദ്ഘാടനവുമായി ബന്ധപ്പെട്ടും താൻ നടത്തിയ പരാമർശങ്ങളുടെ അന്തഃസത്ത ഉൾക്കൊള്ളാതെ പോകുന്നതിൽ വേദനയുണ്ട്. കേരളത്തിലെ യുവാക്കൾക്ക് കൂടുതൽ തൊഴിൽ ലഭിക്കണമെന്ന് നിലവിലെ സാമ്പത്തിക അന്തരീക്ഷണം മാറേണ്ടതുണ്ടെന്നാണ് ഞാൻ പറഞ്ഞത്.
കെ റെയിൽ വിഷയത്തിൽ യുഡിഎഫിനെ പ്രതിരോധത്തിലാക്കുന്ന തരത്തിൽ നിലപാട് സ്വീകരിക്കുന്ന ശശി തരൂർ എംപിയിൽ നിന്നും വിശദീകരണം തേടുമെന്ന് കെപിസിസി പ്രസിഡൻ്റ് കെ സുധാകരൻ കഴിഞ്ഞ ദിവസം പറഞ്ഞിരുന്നു. ഒരു പ്രസ്താവനയുടെ പേരിൽ അദ്ദേഹത്തെ വിലയിരുത്താനാകില്ല. പദ്ധതിയെ അനുകൂലിച്ച് കൊണ്ടുള്ള അദ്ദേഹത്തിൻ്റെ പ്രതികരണം ശരിയല്ല. കോൺഗ്രസും യുഡിഎഫും കെ റെയിൽ പദ്ധതിക്കെതിരാണെന്നും അദ്ദേഹം വ്യക്തമാക്കി.
തരൂരിനോട് സംസാരിക്കാതെ വിഷയത്തിൽ പ്രതികരിക്കുന്നത് ശരിയല്ല. പാർട്ടിയെ അംഗീകരിക്കുന്ന തരൂരിൻ്റെ എല്ലാ കാര്യങ്ങളും അംഗീകരിച്ച് കൊണ്ട് തന്നെയാകും അദ്ദേഹം നടത്തിയ പ്രസ്താവന പാർട്ടി അന്വേഷിക്കും. വിഷയം പാർട്ടിക്കുള്ളിൽ ചർച്ച ചെയ്ത് തിരുത്തേണ്ടതാണെങ്കിൽ തിരുത്തുമെന്നും സുധാകരൻ പറഞ്ഞു.
