അലപ്പുഴ: എസ്ഡിപിഐ സംസ്ഥാന സെക്രട്ടറിയുടെ കൊലയ്ക്ക് പിന്നാലെ ആലപ്പുഴയിൽ ബിജെപി നേതാവിനെ വെട്ടിക്കൊന്നു. ഒബിസി മോര്‍ച്ച സംസ്ഥാന സെക്രട്ടറി രഞ്ജിത്ത് ശ്രീനിവാസനാണ് കൊല്ലപ്പെട്ടത്.
Also Read :
ആലപ്പുഴ നഗരപരിധിയിലാണ് ആക്രമണമുണ്ടായത്. അക്രമികൾ വീട്ടിൽ കയറിയാണ് വെട്ടിയത്. നഗരത്തിൽ നിന്നും 10 കിലോമീറ്റര്‍ ചുറ്റളവിലാണ് സംഭവം. ആക്രമണത്തിന് പിന്നിൽ എസ്ഡിപിഐ ആണെന്നാണ് ബിജെപി ആരോപിക്കുന്നത്.
ഒരു സംഘം ആളുകളെത്തി വെട്ടികൊലപ്പെടുത്തുകയായിരുന്നുവെന്നാണ് റിപ്പോര്‍ട്ട്. വെള്ളക്കിണര്‍ ഭാഗത്താണ് ആക്രമണമുണ്ടായിരുന്നത്.
Also Read :
ഇന്നലെ രാത്രിയാണ് എസ്ഡിപിഐ സംസ്ഥാന സെക്രട്ടറി പൊന്നാട് അൽഷാ ഹൗസിൽ അഡ്വ. കെ എസ് ഷാനെ വെട്ടിക്കൊലപ്പെടുത്തിയത്. രാത്രി ഏഴരയോടെ മണ്ണഞ്ചേരി പൊന്നാട് വച്ചാണ് കാറിലെത്തിയ സംഘം ഷാന് നേരെ ആക്രമണമുണ്ടായത്.
Also Read :
പ്രത്യാക്രമണം എന്ന നിലയിലാണ് കൊലനടന്നിരിക്കുന്നത് എന്നാണ് പോലീസിനെ ഉദ്ധരിച്ച് ഏഷ്യാനെറ്റ് റിപ്പോര്‍ട്ട് ചെയ്യുന്നത്. ആലപ്പുഴ നിയോജകമണ്ഡലത്തിലേക്ക് മത്സരിച്ച നേതാവാണ് കൊല്ലപ്പെട്ട രഞ്ജിത്ത് ശ്രീനിവാസന്‍.
