മനുഷ്യരുൾപ്പെടെ എല്ലാ ജീവികളും തെല്ലൊരു ഭയത്തോടെ കാണുന്ന ഒരു ജീവിയാണ് പാമ്പുകൾ. ലോകത്തിൽ ആകെ മൂവായിരത്തിലധികം ഇനം പാമ്പുകളുണ്ട്. പക്ഷെ ഏറ്റവും വലിയ പമ്പ ഏതാണ്? ഒരു പക്ഷെ ആനകൊണ്ട എന്നാവും നിങ്ങളുടെ ഉത്തരം. ശരിയാണ് ആനകൊണ്ട തന്നെയാണ് വലിപ്പത്തിന്റെ കാര്യത്തിൽ മുമ്പൻ. എന്നാൽ ആനകൊണ്ട മാത്രമല്ല വലിപ്പമുള്ള പാമ്പ്. നിരവധി വലിപ്പമേറിയ പാമ്പുകൾ ലോകത്തുണ്ട്. പാമ്പുകളിൽ ഏറ്റവും കൂടുതൽ നീളവും ഭാരവുമുള്ള പാമ്പുകളുടെ ഒരു പട്ടിക കാണാം.
ഒന്നും രണ്ടുമല്ല പതിനൊന്ന് അടിയാണ് ഈ കിംഗ് ബ്രൗൺ (Ophiophagus hannah) പാമ്പിന്റെ നീളം. ഭാരമോ ഏകദേശം ആറ് കിലോയോളം വരും. ഓസ്ട്രേലിയയിലെ ആലീസ് സ്പ്രിങ്സ് എന്നറിയപ്പെടുന്ന മേഖലയിലെ പുൽപ്രദേശങ്ങളിലും കുറ്റിച്ചെടികളിലും മരങ്ങളിലുമാണ് സാധാരണയായി ഈ വിഷപ്പല്ലുള്ള പാമ്പുകൾ ജീവിക്കുന്നത്. തവളകളെയും പല്ലികളെയും തേടി ഇഴഞ്ഞു നീങ്ങുമ്പോൾ ഈ പാമ്പിന്റെ ശരീരം മറയ്ക്കാൻ സഹായിക്കുന്നത് മഞ്ഞ നിറത്തിലും തവിട്ടു നിറത്തിലുമുള്ള അതിന്റെ ചെതുമ്പലുകളാണ്. ഇവയുടെ എണ്ണം കുറയുന്നതുകൊണ്ടുള്ള ആശങ്ക നിലവിലുള്ളതിനാൽ ചെറിയ രീതിയിലുള്ള ഒരു സംരക്ഷണം ഇവയ്ക്ക് ഇപ്പോൾ ലഭിക്കുന്നുണ്ട്.
പതിമൂന്ന് അടി വരെ നീളത്തിൽ വളരാൻ സാധിക്കുന്ന കിംഗ് കോബ്ര (Ophiophagus hannah) ആണ് ഈ പട്ടികയിൽ അടുത്തത്. ഏതാണ്ട് ഇരുപത് പൗണ്ട് വരെ ഭാരവും ഈ പാമ്പിനുമുണ്ട്. ലോകത്തിലെ ഏറ്റവും വലിയ പാമ്പുകളിൽ ഒന്ന് മാത്രമല്ല രാജവെമ്പാല. ഭൂമിയിലെ ഏറ്റവും നീളം കൂടിയ വിഷപ്പാമ്പ് എന്ന പദവിയും ഇതിനാണ്. ഇന്ത്യ, തെക്കുകിഴക്കൻ ഏഷ്യ എന്നിവിടങ്ങളിലും മഴക്കാടുകളിലുമാണ് രാജവെമ്പാല കൂടുതലും കാണപ്പെടുന്നത്. എന്തെങ്കിലും തരത്തിലുള്ള അക്രമങ്ങളോട് പ്രതികരിക്കുമ്പോൾ സ്വയം വലുതാവാനുള്ള കഴിവ് ഈ പാമ്പുകൾക്കുണ്ട്. എഴുന്നേൽക്കുമ്പോൾ അല്ലെങ്കിൽ ശരീരത്തിന്റെ മുകൾഭാഗം നിലത്തുനിന്ന് ഉയർത്തുമ്പോൾ രാജവെമ്പാലയുടെ ശരീരം വലുതായി കാണപ്പെടും. മറ്റിടങ്ങളിൽ വർധിച്ച തോതിൽ ആക്രമിക്കപ്പെടുന്ന പാമ്പ് വിഭാഗമാണെങ്കിലും വിയറ്റ്നാമിലെ ഒരു സംരക്ഷിത ഇനമാണ് രാജവെമ്പാല.
രാജവെമ്പാലയെപ്പോലെ പതിമൂന്ന് അടി വരെ നീളത്തിൽ ബോ കോൺസ്ട്രിക്റ്റർ (Boa Constrictor) മലമ്പാമ്പിനും വളരാൻ കഴിയും. പക്ഷേ ഭാരത്തിൽ ഒരുപടി മുൻപിലാണ് ഇവൻ. ഏകദേശം അറുപത് പൗണ്ട് വരെ ഭാരമാണ് മലമ്പാമ്പിനുള്ളത്. ജനിക്കുമ്പോൾ രണ്ട് അടി മാത്രമേ ഈ പാമ്പിന് നീളമുണ്ടാവുകയുള്ളൂ. തെക്കേ അമേരിക്കയിലാണ് കൂടുതലും മലമ്പാമ്പുകൾ കാണപ്പെടുന്നത്. ചില മലമ്പാമ്പുകൾ മഴക്കാടുകളിലും ചിലവ അർദ്ധ മരുഭൂമി പ്രദേശങ്ങളിലുമാണ് ജീവിക്കുന്നത്.
കീഴ്ശ്വാസം കുപ്പിയിലാക്കി വിറ്റ് സ്റ്റെഫാനി ആഴ്ചയിൽ നേടുന്നത് 38 ലക്ഷം രൂപ വരെ
ആഫ്രിക്കൻ വനാന്തരങ്ങളിൽ കാണപ്പെടുന്ന നീണ്ടു മെലിഞ്ഞ പാമ്പുകളാണ് ബ്ലാക്ക് മാമ്പ (Dendroaspis polylepis). ഏകദേശം പതിനാല് അടി വരെ നീളത്തിൽ വളരാൻ കഴിയുന്ന ഈ പാമ്പുകൾ വിഷം ചീറ്റുന്നവയാണ്. പടിഞ്ഞാറൻ ആഫ്രിക്കയിലെ പുൽമൈതാനങ്ങളിലും ഇവ കാണപ്പെടുന്നുണ്ട്. വളരെ നേർത്ത ശരീരമുള്ള ഈ പാമ്പിന്റെ ഭാരം ആകെ മൂന്ന് പൗണ്ട് മാത്രമേയുള്ളൂ. ഭാരം കുറഞ്ഞതുകൊണ്ടുതന്നെ എളുപ്പത്തിൽ ഇവയ്ക്ക് സഞ്ചരിക്കാനാവും. മണിക്കൂറിൽ 20 കിലോമീറ്റർ എന്ന വേഗതയിലാണ് ഈ നീളൻ പാമ്പിന്റെ സഞ്ചാരം.
ആഫ്രിക്കൻ റോക്ക് പൈത്തോൺ (Python sebae) എന്ന് പേരുള്ള പാമ്പിന്റെ നീളം പതിനാറ് അടിയാണ്. 250 പൗണ്ട് വരെ ഭാരമുള്ള ഈ ഇഴജന്തു ഇരകളെ ചുറ്റിപ്പിടിച്ച് തങ്ങളുടെ അതിശക്തമായ പേശികൾ ഉപയോഗിച്ച് ശ്വാസം മുട്ടിക്കും. ആഫ്രിക്കയിലെ പുൽമൈതാനങ്ങളിലും പുൽക്കാടുകളിലുമാണ് ഈ പാമ്പിന്റെ താവളം. കൃഷ്ണമൃഗം, ചീങ്കണ്ണി, കാട്ടുപന്നി തുടങ്ങിയവയെയും മറ്റ് വമ്പൻ ജീവികളെയും ഈ പാമ്പ് ഭക്ഷണമാക്കുന്നുണ്ട്.
ഏതാണ്ട് ഇരുപത് അടി വരെയോ അതിൽ കൂടുതലോ നീളത്തിൽ വളരാൻ കഴിയുന്ന ഇന്ത്യൻ പൈത്തണിന്റെ (Python molurus) ഭാരം ഏകദേശം 150 പൗണ്ട് ആണ്. പാകിസ്ഥാൻ, ഇന്ത്യ, നേപ്പാൾ, ശ്രീലങ്ക എന്നീ രാജ്യങ്ങളിലെ വനങ്ങളിലാണ് കൂടുതലും ഈ പാമ്പുകളെ കണ്ടുവരുന്നത്. ചെറിയ സസ്തനികളെയും പക്ഷികളെയുമാണ് ഈ പാമ്പും ആഹാരമാക്കുന്നത്. മറ്റ് പെരുമ്പാമ്പുകളെപ്പോലെ ബലിഷ്ഠമായ പേശികൾ ഉപയോഗിച്ച് വരിഞ്ഞുമുറുക്കിയാണ് ഇരകളെ പിടിക്കുന്നത്. അതീവ സംരക്ഷണനിലയിലുള്ള പാമ്പുകളാണ് ഇവ. ഇവയെ ചർമ്മത്തിന് വേണ്ടി വ്യാപകമായി വേട്ടയാടുന്നുണ്ട്. കൂടാതെ ഈ പാമ്പുകളെ ഭക്ഷിക്കുന്നവരുമുണ്ട്. തനത് ആവാസ വ്യവസ്ഥയുടെ നഷടവും ഈ പാമ്പുകളുടെ എണ്ണത്തിനെ വലിയ തോതിൽ ബാധിക്കുന്നുണ്ട്.
റോഡ് മുഴുവൻ കറൻസി നോട്ടുകൾ! പണം വാരിക്കൂട്ടി, തുള്ളിച്ചാടി ജനം
ബർമീസ് പൈത്തണിന്റെ (Python bivitattus) നീളം 23 അടിയാണ്. ചൈനയുൾപ്പെടെയുള്ള തെക്കുപടിഞ്ഞാറൻ ഏഷ്യയിലെ ചതുപ്പ് നിലങ്ങളിൽ വസിക്കുന്ന ഈ ബർമീസ് പെരുമ്പാമ്പിനെ ഭാരം ഏകദേശം 200 പൗണ്ട് വരും. ശരീരത്തിന് നല്ല കട്ടിയുള്ള ഈ പാമ്പും ഇരകളെ ചുറ്റിവരിഞ്ഞുമുറുക്കി ശ്വാസം മുട്ടിച്ചാണ് കൊലപ്പെടുത്തുന്നത്. ഇവയുടെ എണ്ണം കുറയുന്നതുകൊണ്ടുതന്നെ വലിയ വംശനാശ ഭീഷണിയാണ് ബർമീസ് പെരുമ്പാമ്പുകൾ നേരിടുന്നത്. ഭക്ഷണത്തിന് വേണ്ടിയും ചർമ്മത്തിനായും ഇവ വേട്ടയാടപ്പെടുന്നു. ആവാസ വ്യവസ്ഥയുടെ നാശവും ഈ പാമ്പുകളുടെ എണ്ണം കുറയാൻ കാരണമാവുന്നുണ്ട്.
അമേത്തിസ്റ്റൈൻ പൈത്തണിന് (Morelia amethistina) ഏതാണ്ട് 27 അടി നീളവും ഏകദേശം 33 പൗണ്ട് ഭാരവുമുണ്ടാകും. ഈ പാമ്പുകളിലും സ്ത്രീകൾ സാധാരണയായി പുരുഷന്മാരേക്കാൾ വലുതാണ്. ഇവ ഇന്തോനേഷ്യ, പാപ്പുവ ന്യൂഗിനിയ, ഓസ്ട്രേലിയ എന്നീ രാജ്യങ്ങളിലാണ് പ്രധാനമായും വസിക്കുന്നത് . ഉഷ്ണമേഖലാ വനങ്ങൾ, പുൽപ്രദേശങ്ങൾ, കുറ്റികാടുകൾ എന്നിവ ഇതിന്റെ ആവാസവ്യവസ്ഥയിൽ ഉൾപ്പെടുന്നു. എണ്ണത്തിൽ കൂടുതൽ ഉള്ളതുകൊണ്ടുതന്നെ ഈ പാമ്പുകൾ വംശനാശ ഭീഷണി നേരിടുന്നില്ല.
റെറ്റിക്കുലേറ്റഡ് പൈത്തോണിന് (Python reticulatus) 29 അടി വരെ നീളവും 595 പൗണ്ട് വരെ ഭാരവുമുണ്ട്. ഈ ഭീമൻ പാമ്പിന്റെ ശരീരത്തിൽ മഞ്ഞയും തവിട്ടും നിറങ്ങളിലുള്ള ചിതമ്പലാണുള്ളത്. പെൺപാമ്പുകൾ ആൺ വർഗത്തിലുള്ള പാമ്പുകളെക്കാൾ താരതമ്യേന വലുതാണ്. മഴക്കാടുകളിലും കിഴക്കുപടിഞ്ഞാറൻ ഏഷ്യ, ബംഗ്ലാദേശ്, വിയറ്റ്നാം എന്നിവിടങ്ങളിലെ മഴക്കാടുകളിലും ചതുപ്പ് നിലങ്ങളിലും കാണപ്പെടുന്ന ഈ ഇഴജന്തുക്കൾ വംശനാശ ഭീഷണി നേരിടുന്നില്ല.
മനസ്സും ശരീരവും ശുദ്ധീകരിക്കുമത്രേ! ചാണകം തിന്ന് ഹരിയാനയിൽ നിന്നുള്ള ‘ഡോക്ടർ’
ഗ്രീൻ ആനകൊണ്ടയാണ് (Eunectes murinus) ലോകത്തിലെ ഏറ്റവും വലിയ പാമ്പ്. മുപ്പത് അടി വരെ നീളത്തിൽ വളരുന്ന ഈ ഭീമൻ പാമ്പിന്റെ ഭാരം ഏകദേശം 250 കിലോ വരെ വരും. അതായത് നിവർത്തിവെച്ചാൽ ഏകദേശം ഒരു സ്കൂൾ ബസിന്റെ അത്രതന്നെ നീളം. സാധാരണയായി, പെൺ ഗ്രീൻ അനക്കോണ്ടകൾ പുരുഷന്മാരേക്കാൾ വലുതാണ്. ബ്രസീലിലെ ചെളിപ്രദേശങ്ങളിലും ആമസോൺ മഴക്കാടുകളിലുമാണ് സാധാരണയായി ഈ പാമ്പുകൾ അധിവസിക്കുന്നത്. കാട്ടുപന്നികളെയും മാനുകളെയും പ്രധാനമായും ഇരയാകുന്ന ഈ പാമ്പുകൾ മാംസബുക്കുകളാണ്. അവരുടെ ഭീമാകാരമായ ശരീരം ചുറ്റി ഇര ചാകുന്നതുവരെ ഞെരിക്കുകയാണ് ഗ്രീൻ ആനകൊണ്ട ചെയ്യുന്നത്.
