തിരുവനന്തപുരം: സർക്കാർ വാഗ്ദാനം ചെയ്ത ജോലി നൽകണമെന്നാവശ്യപ്പെട്ട് സമരം നടത്തിവന്ന കായികതാരങ്ങളെ മന്ത്രി ചർച്ചയ്ക്ക് വിളിച്ചു. ഈ മാസം 16ന് ചർച്ച നടത്താമെന്നാണ് കായികമന്ത്രി വി. അബ്ദുറഹ്മാന്റെ ഓഫീസിൽ നിന്ന് കായിക താരങ്ങൾക്ക് അറിയിപ്പ് ലഭിച്ചത്. കായിക താരങ്ങൾ നടത്തുന്ന സമരം13ാം ദിവസത്തിലേക്ക് കടന്നിരിക്കുകയാണ്.
സെക്രട്ടേറിയറ്റിന് മുന്നിൽ ശയനപ്രദക്ഷിണം നടത്തിയും തലമുണ്ഡനം ചെയ്തും മുട്ടിലിഴഞ്ഞും കായിക താരങ്ങൾ പ്രതിഷേധിച്ചിരുന്നു.
580 കായിക താരങ്ങൾക്ക് നിയമനം നൽകിയെന്നായിരുന്നു കഴിഞ്ഞ സർക്കാരിന്റെ കാലത്ത് കായിക മന്ത്രിയായിരുന്ന ഇപി ജയരാജൻ പറഞ്ഞത്. എന്നാൽ 195 താരങ്ങൾക്ക് മാത്രമാണ് നിയമനം ലഭിച്ചത്. മറ്റുള്ളവർക്കൊന്നും ജോലി ലഭിച്ചിട്ടില്ലെന്നാണ്സമരക്കാർ പറയുന്നത്. 71 പേരാണ് ലിസ്റ്റിൽ ജോലി ലഭിക്കാനുള്ളത്.
Content Highlights: sportsperson protest for government jobs
