പാലക്കാട്: പാലക്കാട് എരുമയൂർ പഞ്ചായത്തിലെ ഒന്നാം വാർഡായ അരിയക്കോട് ഉപതിരഞ്ഞെടുപ്പിൽ സിപിഎം വിമതന് വിജയം. സിപിഎം മുൻ അംഗമായ അമീർ 377 വോട്ടിന്റെ ഭൂരിപക്ഷത്തിൽ വിജയിച്ചപ്പോൾ എൽഡിഎഫ് സ്ഥാനാർഥി മൂന്നാം സ്ഥാനത്തായി.
കഴിഞ്ഞ തവണ കോൺഗ്രസ് വിജയിച്ച സീറ്റിൽ പഞ്ചായത്തംഗം രാജിവച്ച ഒഴിവിലാണ് ഉപതിരഞ്ഞെടുപ്പ് വേണ്ടിവന്നത്. കഴിഞ്ഞ തവണ സിപിഐ സ്ഥാനാർഥിയായി മത്സരിച്ച് പരാജയപ്പെട്ട അമീർ തിരഞ്ഞെടുപ്പിന് ശേഷം പാർട്ടിയിൽ നിന്ന് രാജിവച്ച് സിപിഎമ്മിൽ ചേർന്നു.
ഉപതിരഞ്ഞെടുപ്പിൽ പാർട്ടി തീരുമാനത്തിന് വിരുദ്ധമായി മത്സരിച്ചതിനെ തുടർന്ന് അമീറിനെ സിപിഎമ്മിൽ നിന്ന് പുറത്താക്കിയിരുന്നു.
സ്ഥിരമായി സിപിഐ മത്സരിക്കുന്ന സീറ്റിൽ ഇത്തവണയും എൽഡിഎഫിൽ സിപിഐ ആണ് മത്സരിച്ചത്.
Content Highlights: bypoll result
